قازاقستاندىق فيلم حالىقارالىق بايقاۋعا قاتىسىپ جاتىر

فەستيۆال رەسەيدىڭ يۆانوۆو وبلىسىندا 22-27 شىلدە ارالىعىندا وتەدى.

اندرەي تاركوۆسكيي اتىنداعى «اينا» حالىقارالىق كينوفەستيۆالىنىڭ باستى بايقاۋىنا سەگىز فيلم قاتىسادى، ونىڭ ىشىندە قازاقستان، سەربيا، گرەكيا، كولۋمبيا، رەسەي جانە باسقا دا ەلدەردىڭ فيلمدەرى بار، دەپ حابارلايدى Almaty-akshamy.kz

تاركوۆسكييدىڭ تۋعان جەرى يۋريەۆەستە رەجيسسەردىڭ تۋعانىنا 90 جىل تولۋىنا ارنالعان كونسەرتپەن اشىلادى.

نەگىزگى بايقاۋعا 8 فيلم ۇسىنىلىپ وتىر، بۇل كارتينالاردى تۇسىرۋگە 10 مەملەكەت ماماندارى تارتىلعان. «اينا» حالىقارالىق بايقاۋىنا ءداستۇرلى تۇردە الەمنىڭ تۇكپىر-تۇكپىرىنەن كەلگەن اۆتورلىق فيلمدەر قاتىسادى.

بايقاۋعا قازاقستاندىق اسقار ۇزابايەۆتىڭ «باقىت» ءفيلمى جولداما الىپ وتىر. ايتا كەتەيىك، رەجيسسەر اسقار ۇزابايەۆ، پروديۋسەر بايان الاگوزوۆا تۇسىرگەن «باقىت» ءفيلمى تۇرمىستىق زورلىق-زومبىلىق ماسەلەسىنە ارنالعان.

بيىل بۇل كارتينا بەرلين كينوفەستيۆالىندە جۇلدەگە يە بولعان بولاتىن. سونداي-اق باعدارلاماعا رەسەيدەن تينا ماستافايەۆانىڭ «تەمبوت» ءفيلمى مەن ماريا يگناتەنكونىڭ «پريزراچنو-بەلىي» كارتيناسى، سەربيالىق ميلوش ءپۋشيچتىڭ «جۇمىسشى تابىنىڭ قاھارماندارى»، گرەكيالىق كريستوس پاساليس پەن سيلاس سۋمەكاستىڭ «قالا مەن قالا» فيلمدەرى مەن باسقا دا جوبالار ەنىپ وتىر. قازىلار القاسىن تاركوۆسكييدىڭ كۋرستاسى، رەجيسسەر الي حامرايەۆ باسقارادى.