موڭعوليانىڭ ۇلتتىق مەرەكەسىنە وراي ۇيىمداستىرىلعان كۇرەس سايىسىندا بايان-ولگيي قازاعى سەرىك بەردىمۇرات ۇلى مەملەكەتتىك ءپىل دارەجەلى پالۋان اتاعىنا يە بولدى.
سەرىك بەردىمۇرات ۇلى جاسىل الاڭدا ە.سۋمياابات (6-كەزەڭ)، س.ءتومورسووج (5-كەزەڭ)، پ.داۆاادورج (4-كەزەڭ)، ش.چينتۋلگا (3-كەزەڭ)، ب.ءولزييسايحان (2-كەزەڭ)، ە.داشزيەۆەگ (1-كەزەڭ) اتتى پالۋانداردى ايقىن باسىمدىقپەن ۇتقان، دەپ حابارلايدى Almaty-akshamy.kz Elorda.info-عا سىلتەمە جاساپ.
بايان-ولگيي ايماعىنىڭ تۋماسى مەملەكەتتىك ناچين (قاز. لاشىن) سەرىك بەردىمۇرات ۇلى كۇرەستىڭ 7 كەزەڭىندە مەملەكەتتىك زاان دورجيين اناردى جىعىپ، مەملەكەتتىك «زاان» ياعني مەملەكەتتىك ءپىل دارەجەلى پالۋان اتاعىنا يە بولدى.
ايتا كەتسەك، سەرىك بەردىمۇرات ۇلى 1994 جىلى تۋعان. سالماعى 110 كەلى. 2011 جىلى ايماقتىق ءپىل دارەجەلى پالۋان، 2013 جىلى ايماقتىق ارىستان دارەجەلى پالۋان، 2017 جىلى مەملەكەتتىك لاشىن دارەجەلى پالۋان اتانعان.