قازاقستاندىق ەكولوگتار لاستانعان قالالاردى قالاي جاقسارتاتىنىن ايتتى

كاسىپورىندارعا ەڭ ۇزدىك قولجەتىمدى تەحنولوگيالاردى ەنگىزەدى.

قازاقستاننىڭ باس ەكولوگ مامانى ماعزۇم مىرزاعالييەۆ مەملەكەتتەگى لاس قالالاردىڭ ەكولوگياسىن قالاي جاقسارتاتىنىن ايتتى، دەپ حابارلايدى Almaty-akshamy.kz.

ەكولوگيالىق مونيتورينگتىڭ ناتيجەسى بويىنشا تەمىرتاۋ، نۇر-سۇلتان، الماتى، اقتوبە، اتىراۋ، وسكەمەن، قاراعاندى، بالقاش، جەزقازعان، شىمكەنت قالالارى اتموسفەرالىق اۋانىڭ جوعارى لاستانۋىمەن سيپاتتالىپ وتىر. 

بۇل قالالاردىڭ ەكولوگياسىن جاقساترۋ ءۇشىن، ەكولوگتاردىڭ ايتۋىنشا، ەكولوگيالىق كودەكسكە سايكەس، كاسىپورىندار ەڭ ۇزدىك قولجەتىمدى تەحنولوگيالاردى ەنگىزەدى.

«مينيسترلىك پەن كاسىپورىنداردىڭ اراسىندا مەموراندۋمدار مەن جول كارتالارىنا قول قويىلدى. ولارعا سايكەس، كاسىپورىندار شىعارىندىلاردى 20% پايىزدان 30% پايىزعا دەيىن قىسقارتۋدى جوسپارلاپ وتىر. 10 قالاداعى ءبىرىنشى ساناتتاعى كاسىپورىندار ءۇشىن 2025 جىلعا قاراي شىعارىندىلار ءليميتى 20% پايىزعا تومەندەتىلەتىن بولادى»،– دەلىنگەن ەكولوگيا مينيسترلىگىنىڭ باسپا ءسوز قىزمەتىنىڭ حابارلاماسىندا.

سونداي-اق، ماعزۇم مىرزاعالييەۆ شىعارىندىلاردى ازايتۋ ماقساتىندا اكىمدىكتەر ەلدى مەكەندەر مەن شارۋاشىلىق سۋبەكتىلەرىن گازداندىرۋدى جالعاستىرۋ قاجەت ەكەنىن ايتتى. سونىمەن قاتار قوعامدىق جانە كوممۋنالدىق كولىكتى گاز جانە ەلەكتر كولىگىنە اۋىستىرۋ جۇمىستارىن ودان ءارى جۇزەگە اسىرۋ كەرەك.