قازاقستاندا بەرىلگەن ديپلومدار جۇڭگو، جاپونيا، وڭتۇستىك كورەيادا جانە ازيا-تىنىق مۇحيتى ايماعىنىڭ باسقا دا ەلدەرىندە مويىندالادى، دەپ حابارلايدى aqshamnews.kz
ءماجىلىس 2011 جىلى 26 قاراشادا توكيودا يۋنەسكو-نىڭ قولداۋىمەن قابىلدانعان جوعارى ءبىلىم بەرۋ سالاسىنداعى بىلىكتىلىكتى تانۋ تۋرالى ازيا-تىنىق مۇحيتى وڭىرلىك كونۆەنسياسىن راتيفيكاسيالادى.
ءماجىلىستىڭ باسپا ءسوز قىزمەتىنىڭ حابارلاۋىنشا، قۇجات اياسىندا مۇشە مەملەكەتتەر ءبىلىم بەرۋ باعدارلامالارىندا ەلەۋلى ايىرماشىلىقتار بولماعان جاعدايدا باسقا ەلدەردە بەرىلگەن جوعارى ءبىلىم سالاسىنداعى بىلىكتىلىكتەردى تانۋعا مىندەتتى بولادى. سونىمەن قاتار ءار مۇشە مەملەكەتتە جوعارى ءبىلىم تۋرالى اقپارات بەرەتىن ۇلتتىق اقپاراتتىق ورتالىقتار قۇرىلادى. ءبىلىم بەرۋ جۇيەلەرى، اككرەديتتەلگەن جوعارى وقۋ ورىندارى جانە ساپانى قامتاماسىز ەتۋ تەتىكتەرى تۋرالى سەنىمدى اقپاراتپەن تۇراقتى الماسۋ قامتاماسىز ەتىلەدى.