ماسكا كيىپ، قولدى انتيسەپتيكتەرمەن وڭدەپ ءجۇرۋ كەرەك.
استانا كۇنىن مەرەكەلەۋ قارساڭىندا سانيتارلىق-ەپيدەميولوگيالىق باقىلاۋ كوميتەتى ازاماتتاردى ساقتىق شارالارىن جاۋاپكەرشىلىكپەن ورىنداۋعا شاقىردى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
ماماندار ادامدار جاپپاي جينالعان ورىنداردا ماسكا كيىپ، قولدى انتيسەپتيكتەرمەن وڭدەپ، الەۋمەتتىك قاشىقتىقتى ساقتاۋدى سۇرادى.
«سونداي-اق، ءوزىڭىزدى جانە جاقىندارىڭىزدى ىندەتتەن قورعاۋ ماقساتىندا ءاربىر قازاقستاندىق تۇرعىننان COVID-19-عا قارسى ۆاكسيناسيا مەن ريەۆاكسينالاۋدان ۋاقىتىلى ءوتۋدى سۇرايمىز. اۋرۋدىڭ الدىن الۋداعى ەڭ ءتيىمدى جول - ۆاكسينالاۋ. الايدا بەلگىلى ۋاقىتتان كەيىن ەكپەنىڭ قورعانىس كۇشى تومەندەپ، انتيدەنەلەر جويىلا باستايدى. ولاردىڭ ينفەكسيامەن كۇرەسۋگە جەتكىلىكتى دەڭگەيى ساقتالۋى ءۇشىن التى ايدان كەيىن ريەۆاكسينالاۋدان ءوتۋ اسا ماڭىزدى ەكەنىن تاعى دا ەستەرىڭىزگە سالامىز»، - دەيدى سانيتارلىق-ەپيدەميولوگيالىق باقىلاۋ كوميتەتىنىڭ وكىلى ەرجان بايتانايەۆ.