جاڭا ارت-كەڭىستىكتىڭ اشىلۋىندا سۋرەتشىلەردىڭ العاشقى توعىز كارتيناسى ۇسىنىلدى.
الماتىدا جاس سۋرەتشىلەردىڭ كورمەلەرى مەن تۇساۋكەسەرلەرى ءۇشىن جاڭا ارت-كەڭىستىك اشىلدى، دەپ حابارلايدى Almaty-akshamy.kz ەgemen.kz سىلتەمە جاساپ.
وسىلايشا Efesartspace كومپانياسىنىڭ Efes Kazakhstan كەڭسە كەڭىستىگى ونەر سالاسىنداعى قىزىقتى يدەيالارعا قولداۋ كورسەتىپ، قازاقستاننىڭ مادەني مۇراسى مەن تاريحىن ساقتاۋدىڭ ماڭىزدىلىعىن ەسكە سالىپ وتىرماق.
Efes Kazakhstan كورمەلەرگە جاس قىلقالام شەبەرلەرىن عانا ەمەس، دارىندى ونەر قايراتكەرلەرىن شاقىرۋدى جوسپارلاپ وتىر.
شابىت پەن جاڭا مۇمكىندىكتەرگە جول اشاتىن وسى باستاماعا ۇيىتقى بولىپ وتىرعان Anadolu Efes Group الەۋمەتتىك سالانىڭ تۇراقتى دامۋ ستراتەگياسىن ىسكە اسىرۋ اياسىندا 30 جىلدان استام ۋاقىت بويى بۇكىل الەمدەگى مادەنيەت پەن ونەرگە قولداۋ كورسەتىپ كەلە جاتقانى ايتا كەتكەن ءجون.
Efeskazakhstan كومپانياسى Art & creative Solutions قوعامدىق قورىمەن بىرلەسە وتىرىپ، بۇل باستامانى جالعاستىرىپ، كەسكىندەمە مادەنيەتىن قولدايتىن جانە مۇلدەم جاڭا ارت-ەكسپيريەنس ۇسىناتىن جوبانى ۇيىمداستىردى.
«كورمەدەن العاشقىلار قاتارىندا ورىن العان زاماناۋي سۋرەتشىلەر اراسىندا ارىستان شالبايەۆ، الەنا Welar، ارۋجان جۇمابەك جانە جانەل شاحان بار. بۇل جوبا كومپانيانىڭ كەڭسە كەڭىستىگىنىڭ بىرەگەيلىگىن قالىپتاستىرۋعا جانە جايلى جۇمىس اتموسفەراسىن قۇرۋعا باعىتتالعان»، - دەيدى Art&creative Solutions قوعامدىق قوردىڭ كۋراتورى ولگا ۆەسەلوۆا.
جاڭا الاڭ اشىلعان ساتتەن باستاپ كومپانيا كورمەلەر وتكىزۋ ماقساتىندا سۋرەتشىلەردەن وتىنىمدەر قابىلداي باستاعان. وعان قوسا Efes Kazakhstan كومپانياسىنىڭ ونەر جانە شىعارماشىلىقپەن بايلانىسىنىڭ ايعاعى رەتىندە Efes ArtSpace Award سىيلىعى تاعايىندالماق. كومپانيا سۋرەتشىلەردى كورمەلەرگە قاتىسۋعا شاقىرۋا وتىرىپ، ءبىر جىل ىشىندە تۋىندىلاردى كورسەتۋ ءۇشىن كەڭسە كەڭىستىگىن پايدالانۋدى جوسپارلاپ وتىر، سودان كەيىن كاسىبي قازىلار القاسىنىڭ داۋىس بەرۋى نەگىزىندە ەڭ جاقسى كورمەگە ارناۋلى سىيلىق بەرىلەدى.