قازاقستاننىڭ كاسىپقوي بوكسشىسى ءالي بالويەۆ (12-1-1، 8 كو) قىتايدىڭ ۋحان قالاسىندا وتكەن كەشتە ونەر كورسەتتى، دەپ حابارلايدى Almaty-akshamy.kz Sports.kz-كە سىلتەمە جاساپ.
كەشتىڭ باستى جەكپە-جەگىندە ءا.بالويەۆ 43 جاستاعى فرانسۋز سيريل ماكياديمەن (15-3-2، 6 كو) كەزدەستى. ولار WBO Global-دىڭ اۋىر سالماقتاعى (90،7 كەلىگە دەيىن) بەلدىگى ءۇشىن تالاستى.
ايقاس مەجەلەنگەن 10 راۋندتىڭ سوڭىنا دەيىن جالعاستى جانە تورەشىلەردىڭ ءبىراۋىزدى شەشىمىمەن بالويەۆتىڭ پايداسىنا اياقتالدى، ەسەپ — 99:91، 100:90، 100:90.
وسىلايشا، 30 جاستاعى ءا.بالويەۆ كاسىپقوي بوكس مانسابىندا 13ء-ىنشى جەڭىسىنە قول جەتكىزىپ، اۋىر ديۆيزيوندا WBO Global تيتۋلىنا يە بولدى. سيريل ماكيادي ءتورتىنشى رەت رينگتە جىعىلىپ وتىر.