مەملەكەت باسشىسى قاسىم-جومارت توقايەۆ فۋتبولدان قازاقستان ۇلتتىق قۇراماسىن ەۋرو-2024 چەمپيوناتىنىڭ ىرىكتەۋ كەزەڭىندە سولتۇستىك يرلانديا كومانداسىمەن وتكەن ماچتاعى جارقىن جەڭىسىمەن قۇتتىقتادى، دەپ حابارلايدى Almaty-akshamy.kz. قاقاستان پرەزيدەنتىنىڭ تەلەراديو كەشەنىنە سىلتەمە جاساپ.
سونداي-اق، فۋتبولدان قازاقستان ۇلتتىق قۇراماسىنىڭ كاپيتانى اسحات تاعىبەرگەن كورسەتكەن قولداۋى ءۇشىن مەملەكەت باسشىسى قاسىم-جومارت توقايەۆقا العىس ايتىپ، كوماندا اتىنان دوپ سىيلادى.
پرەزيدەنت شابۋىلشى ماكسيم سامورودوۆتىڭ سولتۇستىك يرلانديا قاقپاسىنا سوققان گولىن جوعارى باعالادى.
مەملەكەت باسشىسى قازاقستان ۇلتتىق قۇراماسىنىڭ جەڭىسى تۋرالى جىلى لەبىزىن ءبىلدىرىپ، ەلوردالىق ەرىكتىلەر مەن بەلسەندىلەرگە العىس ايتتى.
پرەزيدەنت قاسىم-جومارت توقايەۆ ءوزىنىڭ Instagram پاراقشاسىندا قازاقستان ۇلتتىق قۇراماسىنىڭ جەڭىسى تۋرالى جازبا جاريالادى.
«ءبىزدىڭ ۇلتتىق قۇرامانىڭ سولتۇستىك يرلانديانىڭ مىقتى كومانداسىمەن الاڭداعى كەزدەسۋىن قىزىعا تاماشالادىم. ويىن وتە قىزىقتى ءارى تارتىستى ءوتتى. قازاق فۋتبولشىلارى قارسىلاس كومانداعا توتەپ بەرىپ، 1:0 ەسەبىمەن لايىقتى جەڭىسكە قول جەتكىزدى. قازاقستان ۇلتتىق قۇراماسى جانە ولاردىڭ مىڭداعان جانكۇيەرلەرى ءۇشىن قۋانىشتىمىناسىرەسە «استانا جاستارى» مەن باسقا دا ۇيىمدار ەرىكتىلەرىنىڭ، سونداي-اق جەكەلەگەن ازاماتتاردىڭ، بەلسەندىلەردىڭ ۇلگى الارلىق ءىسىن ايرىقشا اتاپ وتكىم كەلەدى. ولار ويىننان سوڭ ستاديوندا قالىپ، تريبۋناداعى قوقىستى جيناپ شىقتى. فۋتبولشىلارىمىزدى جانە جاستارىمىزدى ماقتان تۇتامىن»، – دەپ جازدى مەملەكەت باسشىسى.