موڭعول ۇلتى مەن بايىرعى رۋلاردىڭ قازاق گەنەتيكاسىمەن سايكەستىگىن انىقتاۋ ماقساتىندا قازاقستاندىق ءبىر توپ عالىم موڭعولياعا ەكسپەديسياعا اتتانادى.
زەرتتەۋشىلەر ەلىمىزدىڭ ازاماتتارىنان جينالعان گەندىك تەست پەن قان ۇلگىلەرىن موڭعوليانىڭ كىشى ەتنيكالىق توپتارىنىڭ ازاماتتارىمەن سالىستىرماق. وسىلايشا، عالىمدار ورتاق تۋىستىق بەلگىلەر مەن ەتنيكالىق سايكەستىكتەردى انىقتايدى، دەپ Almaty-akshamy.kz
زەرتتەۋدىڭ ماقساتى ايقىن، ەندى ونى ىسكە اسىرىپ، ناتيجەسىن ەتنوگەنەز سالاسىنداعى عىلىمي جاڭالىق رەتىندە جاريالاۋ جوسپاردا بار.
"ول جاقتا دا ءارتۇرلى موڭعول تىلدەس ەتنيكالىق توپتار بار. سولاردىڭ ارتۇرلىلىگىن زەرتتەيمىز گەنەتيكا ارقىلى. قازىرگى تۇرىپ جاتقان موڭعول تەكتەس توپتاردىڭ قايسىسى جاقىن، قايسىسى الىس ەكەنىن انىقتاۋ ءۇشىن سول جاققا بارىپ، ەتنوگرافيالىق دەرەكتەرىن جينايمىز، سونىمەن قوسا دنك-سىن جينايمىز"، - ۇبو ادام گەنەتيكاسى زەرتحاناسىنىڭ مەڭگەرۋشىسى ماقسات جاباعين.
قازاق عالىمدارى موڭعوليا جەرىنىڭ بۇرىن وسىنداي زەرتتەۋ جۇرگىزىلمەگەن باتىس جانە شىعىس وڭىرلەرىن قامتىماق. تۇرعىنداردان جينالعان دنق ۇلگىلەرى ارنايى بيوبانكتە ساقتالىپ، ەلگە جەتكىزىلەدى.
"موڭعوليانىڭ نەگىزگى حالقى جاقسى زەرتتەلگەن، ونى ءارى قاراي قازبالاۋ ماقساتىمىز ەمەس. بۇرىن عالىمدار نازارىنا كوپ ىلىكپەگەن توپتار بار. نايمان، قوڭىرات، كەرەي سەكىلدى ءىرى رۋلار 700-دەن اسا جىل بۇرىن موڭعوليادا تۇرىپ، كوشپەلى ءداستۇر كەزەڭىندە قازاق جەرىنە قونىس اۋدارعان. سولاردىڭ ەلىمىزدەگى باسقا دا رۋلارمەن گەندىك سايكەستىگىن بىلەمىز"، - ۇبو باس ديرەكتورى ەرلان رامانقۇلوۆ.
قازاق حالقى جەر بەتىندە ءوز شەجىرەسىن جاقسى بىلەتىن از ۇلتتاردىڭ قاتارىندا، دەيدى عالىمدار. زاماناۋي عىلىم مەن تەحنولوگيا ونى دالەلدەۋگە مۇمكىندىك بەرىپ وتىر. وكىنىشتىسى، كوشپەلى حالقىمىزدىڭ تاريحي وقيعالارى ساقتالعان جازبالار از. دەرەكتى ماتەريالدار تاپشىلىعىن ەسكەرسەك، تىڭ مالىمەتتەر تاريحشىلار، ارحەولوگتار مەن پالەونتولوگتار ءۇشىن قۇندى بولارى ءسوزسىز.