جەرلەستەرىمىز ەل قورجىنىنا ءتورت التىن، ءبىر كۇمىس جانە ءۇش قولا مەدال سالدى
قازاقستاندىق بالۋاندار زاكوپانەدە پولشا كۇرەس فەدەراسياسىنىڭ پرەزيدەنتى كۋبوگىندە توپ جاردى، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ.
ەركىن كۇرەستەن قازاقستان قۇراماسى الەم چەمپيوناتىنا دايىندىعىن پولشادا جالعاستىرۋدا. ەل قۇراماسى وقۋ-جاتتىعۋ جيىنى بارىسىندا پولشا كۇرەس فەدەراسياسى ۇيىمداستىرعان حالىقارالىق دوداعا قاتىستى. ناتيجەسىندە وتاندىق بالۋاندار ءتورت التىن، ءبىر كۇمىس جانە ءۇش قولا - بارلىعى سەگىز مەدال ۇتىپ الدى.