قازىرگى ۋاقىتتا كۇدىكتى ەكى ەپيزود بويىنشا ءوز ءىسىن مويىندادى.
الماتىدا پوليسەيلەر كولىكتەن ۇرلىق جاسادى دەگەن كۇدىكپەن 32 جاسار ازاماتتى ۇستادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، ك.ەسىمدى ازامات بۇرىن كولىك توناعانى ءۇشىن قىلمىستىق جاۋاپكەرشىلىككە تارتىلعان.
«بۇل جولى ول “ميتسۋبيسي دەليكا” اۆتوكولىگىنىڭ قۇلپىن اشىپ، سالونىنا كىرىپ، نوۋتبۋكتى ۇرلاعان. جەڭىل اقشا اۋەسقويىنىڭ قىلمىستىق ارەكەتتەرى بەينەباقىلاۋ كامەرالارىنا ءتۇسىپ قالعان. ءبىز كۇدىكتىنىڭ ىزىنە تۇستىك جانە ونى ۇستادىق. ەر ادامنىڭ قالانىڭ ورتالىق بولىگىندە جۇمىس جاساعانى انىقتالدى. وزىنە قولايلى كولىك ىزدەگەن ول جۇرگىزۋشىنىڭ كەتۋىن كۇتىپ، قولدا بار قۇرالمەن قۇلىپتى اشىپ، قولىنا تۇسكەن قۇندى زاتتاردى ۇرلادى. قازىرگى ۋاقىتتا كۇدىكتى ەكى ەپيزود بويىنشا ءوز ءىسىن مويىندادى. ونىڭ باسقا قىلمىستارعا قاتىستىلىعى تەكسەرىلۋدە»، – دەيدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
پوليسيا سونىمەن قاتار، سوتقا دەيىنگى تەرگەۋ ق ر قك-نىڭ 188-بابى 3ء-بولىمى بويىنشا جاسالعان قىلمىسقا سايكەس جۇرگىزىلەتىنىن اتاپ ءوتتى.