فينال ەلوردا ۋاقىتىمەن ساعات 16:00-دە باستالادى.
موڭعوليا استاناسى ۇلان-باتوردا كۇرەس تۇرلەرىنەن ازيا چەمپيوناتى باستالدى. جارىستىڭ العاشقى كۇنىندە ءتورت قازاقستاندىق بالۋان فينالعا جولداما الدى، دەپ حابارلايدى Almaty-akshamy.kz Olympic.kz سىلتەمە جاساپ.
قۇرلىقتىق بىرىنشىلىكتىڭ العاشقى كۇنىندە گرەك-ريم كۇرەسىنەن 55، 63، 77، 87 جانە 130 كەلى سالماق دارەجەسىندەگى بالۋاندار بوز كىلەمگە شىقتى. ىرىكتەۋ كەزەڭىندە قازاقستان ساپىنان امانعالي بەكبولاتوۆ، ميرامبەك ايناعۇلوۆ، ماقسات ەرەجەپوۆ، ءالىمحان سىزدىقوۆ فينالعا شىقسا، نۇرسۇلتان تۇرسىنوۆ قولا مەدال ءۇشىن كۇرەسۋگە مۇمكىندىك الدى.
قازاقستاندىق سپورتشىلاردىڭ فينالدىق كەزەڭدەگى قارسىلاستارى كەلەسىدەي بولماق:
فينال
55 كەلى: امانعالي بەكبولاتوۆ - يۋ شيوتاني (جاپونيا)
63 كەلى: ميرامبەك ايناعۇلوۆ - تىنار شارشەنبەكوۆ (قىرعىزستان)
77 كەلى: اقجول ماحمۋدوۆ (قىرعىزستان) - ماقسات ەرەجەپوۆ
130 كەلى: كيم مينسوك (وڭتۇستىك كورەيا) - ءالىمحان سىزدىقوۆ
جۇبانىش فينالى (قولا جۇلدە ءۇشىن بەلدەسۋ)
87 كەلى: مەليس ايتبەكوۆ (قىرعىزستان) - نۇرسۇلتان تۇرسىنوۆ