فينالعا دەيىن سۇرىنبەي جەتكەن قازاقستاندىق سپورتشى سوڭعى باسەكەدە عانا ءۇندىستاندىق سپورتشىعا ەسە جىبەردى.
قازاقستاندىق 21 جاستاعى دميتريي پانارين افريكانىڭ بەنين ەلىندە بادمينتوننان وتكەن Benin Open حالىقارالىق جارىستا كۇمىس جۇلدەگەر اتاندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
فينالعا دەيىن سۇرىنبەي جەتكەن قازاقستاندىق سپورتشى سوڭعى باسەكەدە عانا ءۇندىستاندىق امان سانجايعا ەسە جىبەردى. د.پانارين Future سەرياسىنا كىرەتىن دودانىڭ العاش رەت فينالىنا شىقتى. جىل سايىن ءدميترييدىڭ رەيتينگتىك كورسەتكىشتەرى جاقسارىپ كەلەدى. 2008 جىلى ول دۇنيەجۇزىلىك رەيتينگتە 1000-ورىنداردا بولسا، ءقازىر 294-ساتىدا تۇر. بەنيندەگى تابىسىنان سوڭ د.پانارين رەيتينگى دە جوعارىلاي تۇسەتىنى انىق. ول 2019 جىلى ۋگاندادا وتكەن الەم كۋبوگى كەزەڭىندە تاعى ءبىر قازاقستاندىق ارتۋر نيازوۆپەن بىرگە قولا جۇلدەگە يە بولعان ەدى. سول كەزدەن باستاپ ونىڭ كورسەتكىشى كوتەرىلىپ كەلەدى.