اقتاۋ قالاسىنىڭ تۇرعىنى رابىن بوراشيەۆ 2024 جىلعى جازعى وليمپيادا ويىندارىن تاماشالاۋ ءۇشىن فرانسيا استاناسىنا ۆەلوسيپەدپەن بارعان.
3600 شاقىرىمدى ەكى ايدا ءجۇرىپ وتكەن اقتاۋلىق رابىن بوراشيەۆتى ق ر تۋريزم جانە سپورت ءمينيسترى ەرمەك مارجىقپايەۆ كۇتىپ العان، دەپ حابارلايدى aqshamnews.kz
«ەكى اي بۇرىن دايىندالدىم. ۆەلوسيپەدىمدى جاڭارتتىم، ءبارىن جوندەدىم. جولعا شىقتىم، جولدا ۆيزاعا بايلانىستى قيىندىقتار تۋىندادى. ءبىراق سونىڭ وزىندە پاريجگە جەتۋ ءۇشىن 8 ەلدى باسىپ وتتىك»، دەدى رابىن بوراشيەۆ.
وسىنشا شاقىرىمدى ارتقا تاستاپ كەلگەن رابىن بوراشيەۆ وتانداستارىنا قولداۋ كورسەتكىسى كەلگەن. انىقتالعانداي، ول 4 جىل بويى ۆەلوسيپەدپەن قازاقستان وڭىرلەرىنە ساياحاتتاپ، ءوزىن جاتتىقتىرعان.