«Lego Juris A/S» كومپانياسى وكىلىنىڭ ءوتىنىشى بويىنشا الماتى قالاسىنىڭ كوتەرمە ساۋدا بازارلارىنىڭ بىرىندە كوتەرمە ساۋدامەن اينالىساتىن «ب» ج ش س جوسپاردان تىس تەكسەرۋ جۇرگىزىلدى.
تەكسەرۋ بارىسىندا بالالار كونسترۋكتورلارىندا «LEGO» تاۋار بەلگىسىن زاڭسىز پايدالانۋ انىقتالدى، دەپ حابارلايدى aqshamnews.kz ق ر ادىلەت مينيسترلىگىنە سىلتەمە جاساپ.
ناتيجەسىندە: 4 ميلليون تەڭگەدەن استام سوماعا 3145 كونترافاكتىلىك ءونىم الىندى. بۇل ويىنشىقتار زياتكەرلىك مەنشىك قۇقىعىن بۇزىپ قانا قويماي، بالالاردىڭ دەنساۋلىعىنا ۇلكەن ءقاۋىپ توندىرەدى. كونترافاكتىلىك ويىنشىقتاردا ءقاۋىپتى حيميالىق زاتتاردىڭ بولۋى جانە ساپاسىز ماتەريالداردان جاسالۋى مۇمكىندىگى زور. بۇل بالالاردىڭ دەنساۋلىعى مەن قاۋىپسىزدىگىنە اۋىر زارداپتار اكەلۋى مۇمكىن.
كونترافاكتىلىك ونىمدەر تانىمال برەندتەرگە دەگەن سەنىمگە نۇقسان كەلتىرىپ، ادال وندىرۋشىلەرگە زيان تيگىزەدى. قازىرگى ۋاقىتتا ق ر اقبتك-نىڭ 158-بابى بويىنشا كىنالى تۇلعانى اكىمشىلىك جاۋاپكەرشىلىككە تارتۋ بويىنشا ءىس جۇرگىزۋ شارالارى قابىلدانۋدا. ءىستىڭ ماتەريالدارى كىنالىنى ودان ءارى جاۋاپقا تارتۋ ءۇشىن سوتقا جىبەرىلەتىن بولادى.
ادىلەت ورگاندارى تۇتىنۋشىلاردىڭ قاۋىپسىزدىگى مەن قورعالۋىن قامتاماسىز ەتە وتىرىپ، كونترافاكتىلىك ءونىمدى وتكىزۋ جاعدايلارىن انىقتاۋ جانە جولىن كەسۋ جونىندەگى ءوز جۇمىسىن جالعاستىرادى.