ق ر ۇلتتىق ستاتيستيكا اگەنتتىگىنىڭ ستراتەگيالىق جوسپارلاۋ جانە رەفورمالار بيۋروسىنىڭ دەرەگى بويىنشا، 2023 جىلدىڭ شىلدەسىندە اۋە كولىگى كاسىپورىندارىنىڭ كىرىسى 80،5 ملرد تەڭگەگە جەتتى.
بۇعان دەيىنگى ماكسيمۋم 73،6 ملرد تەڭگەنى قۇراعان بولاتىن جانە ول 2022 جىلدىڭ تامىز ايىندا ورناتىلدى، دەپ حابارلايدى Almaty-akshamy.kz DATA HUB Telegram ارناسىنا سىلتەمە جاساپ.
وسى جىلدىڭ 7 ايىندا كومپانيالاردىڭ جيىنتىق تابىسى 418،1 ملرد تەڭگەنى قۇرادى، وتكەن جىلدىڭ سايكەس كەزەڭىندە 276،8 ملرد تەڭگە بولعان ەدى.
تابىس ءوسىمىنىڭ باستى سەبەبى – جولاۋشىلار اعىنىنىڭ ارتۋى (اۋە كومپانيالارىنا نەگىزگى كىرىستى جۇك ەمەس، ادامدار اكەلەدى).
2023 جىلعى قاڭتار-شىلدە ايلارىندا اۋە كەمەلەرى تاسىمالداعان جولاۋشىلار سانى 7،3 ملن ادامدى قۇرادى، بۇل ءبىر جىل بۇرىنعىدان 26،1% كوپ. سونىمەن قاتار شىلدە ايىندا 1 ميلليون 384،9 مىڭ جولاۋشى اۋە كەمەسىمەن ۇشىپ، رەكورد جاڭارتتى.
ەكىنشى سەبەپ – باعانىڭ ءوسۋى. اۋە كولىگى قىزمەتتەرى 2023 جىلدىڭ باسىنان 48،4% قىمباتتادى. اسىرەسە اقپان (+21،5%) مەن ءساۋىر (+17،7%) ەرەكشە اسەر ەتتى. ناقتىراق ايتساق، شىلدە ايىندا قىزمەت قۇنى 4 پايىزعا ءوستى.