وزبەكستاندا ءوتىپ جاتقان اۋىر اتلەتيكادان ازيا چەمپيوناتىندا قازاقستاندىق جاس زىلتەمىرشى الىشەر بايبۋروۆ التىن مەدال جەڭىپ الدى، دەپ حابارلايدى Almaty-akshamy.kz.
بۇل تۋرالى قازاقستان اۋىر اتلەتيكا فەدەراسياسى Instagram پاراقشاسىندا ءمالىم ەتكەن.
«بۇگىنگى جارىس كۇنى ءبىزدىڭ سپورتشىلارعا تاماشا جەڭىستەردى اكەلدى. الىشەر بايبۋروۆ 17 جاسقا دەيىنگى جاسوسپىرىمدەر اراسىندا ازيا چەمپيونى جانە 20 جاسقا دەيىنگى جاستار اراسىندا ازيا بىرىنشىلىگىنىڭ كۇمىس جۇلدەگەرى اتاندى. الىشەر «جۇلقي» كوتەرۋدە ءۇش ارەكەتتىڭ ەكەۋىن جۇزەگە اسىردى جانە 134 كەلى بەلگىسىنە توقتادى. «سەرپە» كوتەرۋدە جالعىز ءساتتى ارەكەت 155 كەلى بولدى، ءبىراق بۇل 67 كەلىگە دەيىنگى ساناتتا ەكى رەت قۇرمەت تۇعىرىنا كوتەرىلۋگە جەتكىلىكتى بولدى»، - دەپ جازادى فەدەراسيانىڭ باسپا ءسوز قىزمەتى.