قازاقستاننىڭ اۋىلشارۋاشىلىق ونىمدەرىن وندىرۋشىلەرى قىتايدىڭ 10 كومپانياسىمەن 1 ميلليارد اقش دوللارىنا مەموراندۋمدار مەن كەلىسىمدەر جاساستى. كەلىسسوزدەر بەيجىڭدە ءوتتى، دەپ حابارلايدى aqshamnews.kz.
قازاقستاننىڭ اۋىلشارۋاشىلىق ونىمدەرى قىتايدا جوعارى باعالانادى، ال سوڭعى كەلىسسوزدەردەن كەيىن قازاقستاندىق وندىرۋشىلەر وزدەرىنىڭ جەتكىزىلەتىن تاۋارلار ءتىزىمىن كەڭەيتۋگە مۇمكىندىك الدى. مىسالى، ەلىمىزدىڭ جەتەكشى كاسىپورىندارىنىڭ ءبىرى «Aitas.kz» 100 ميلليون اقش دوللارىنا قۇس شارۋاشىلىعى ونىمدەرىن جەتكىزۋ تۋرالى كەلىسىم جاساستى.
قازاقستاننىڭ اۋىلشارۋاشىلىق ءمينيسترى ايداربەك ساپاروۆتىڭ مالىمەتىنە سايكەس، قىتايعا ەكسپورتتالاتىن قازاقستاندىق اۋىلشارۋاشىلىق ونىمدەرىنىڭ باسىم بولىگى استىق پەن مايلى داقىلدار، سونداي-اق وسىمدىك مايلارى بولىپ تابىلادى. جۇڭگو نارىعى ءۇشىن ەرەكشە قىزىعۋشىلىق تۋدىراتىن ءونىم — قازاقستاندىق استىق. بۇگىندە قازاقستان بيدايدىڭ جەتەكشى الەمدىك ەكسپورتتاۋشىلارىنىڭ وندىعىنا كىرەدى جانە ۇن ەكسپورتى بويىنشا دا الدىڭعى قاتاردا تۇر.
قازاق ەلىنىڭ اۋىلشارۋاشىلىق ءونىمى قىتايلىق تۇتىنۋشىلار اراسىندا جوعارى سۇرانىسقا يە. وتكەن جىلى قىتايعا جەتكىزىلگەن استىق كولەمى 5،5 ەسە ارتىپ، 1،4 ميلليون تونناعا جەتتى. ەكى ەلدىڭ باسشىلارى استىق جەتكىزىلىمدەرىن جۇڭگو نارىعىنا 2 ميلليون تونناعا دەيىن ارتتىرۋ تۋرالى كەلىسىم جاسادى جانە قازاقستان تاراپىنان جەتكىزىلىمدەردىڭ جىلدام جۇزەگە اساتىنىن مالىمدەدى. 2024 جىلدىڭ 9 ايىنىڭ قورىتىندىسى بويىنشا قازاقستاندىق كومپانيالار قىتايعا 1،1 ميلليون توننا استىق جونەلتتى، — دەدى ايداربەك ساپاروۆ.
قىتايلىق ينۆەستورلار ءۇشىن تارتىمدى باعىتتاردىڭ ءبىرى رەتىندە ورگانيكالىق ءونىم ءوندىرىسىن اتاپ وتۋگە بولادى. بۇل ونىمدەر جوعارى قۇنعا يە بولىپ، الەمدىك نارىقتا سۇرانىسقا يە. سونىمەن قاتار، قازاقستاننىڭ جوعارى ساپالى مال شارۋاشىلىعى ونىمدەرىن ەكسپورتتاۋعا مۇمكىندىك بەرەدى. مۇنداي ونىمدەرگە سيىر ەتى، قوي ەتى، قۇس ەتى، ەتتى كونسەرۆىلەر، ءسۇت ونىمدەرى مەن بال جاتادى.