ازاماتتىق اۆياسيا كوميتەتى يندۋستريا جانە ينفراقۇرىلىمدىق دامۋ ءمينيسترى ق.ا. وسكەنبايەۆتىڭ تاپسىرماسى بويىنشا رەيستەردى كەشىكتىرۋ كەزىندە جولاۋشىلاردىڭ قۇقىقتارىن بۇزعانى ءۇشىن اۆياتاسىمالداۋشىلاردى جاۋاپكەرشىلىككە تارتۋ جۇمىستارى جالعاسۋدا، دەپ حابارلايدى Almaty-akshamy.kz.
«بيىلعى تامىزدىڭ ءۇشىنشى ونكۇندىگىندە «ەير استانا» اۋەكومپانياسىنا (قۇرىلىمدىق بولىمشەسى «Fly Arystan» اۋەكومپانياسى بولىپ تابىلادى) قاتىستى رەيستەردى كەشىكتىرۋ كەزىندە جولاۋشىلار قۇقىعىن بۇزعانى ءۇشىن 2 000 اەك (6 126 000 تەڭگە) كولەمىندە قوسىمشا ەكى ايىپپۇل سالىندى. وسى جىلدىڭ شىلدە ايىنان باستاپ «ەير استانا» اۋەكومپانياسىنا قاتىستى جالپى سوماسى 6 000 اەك (18 378 000 تگ) التى ايىپپۇل سالىندى. «SCAT» اۋەكومپانياسى رەيس كىدىرگەن كەزدە جولاۋشىلاردىڭ قۇقىقتارىن بۇزعانى ءۇشىن 1 000 اەك (3 063 000 تگ) كولەمىندە ايىپپۇل تۇرىندە اكىمشىلىك جاۋاپكەرشىلىككە تارتىلدى»، - دەلىنگەن حابارلامادا.
باسپا ءسوز مالىمەتىنشە، قازاقستاندىق اۋە كومپانيالارى جەتى رەت 7 000 اەك (21 441 000 تگ) سوماسىنا اكىمشىلىك جاۋاپكەرشىلىككە تارتىلدى. ازاماتتىق اۆياسيا كوميتەتى جۇرگىزىلىپ جاتقان جۇمىس شەڭبەرىندە قازاقستان رەسپۋبليكاسىنىڭ قولدانىستاعى زاڭناماسىنىڭ جولاۋشىلار قۇقىقتارىن ساقتاۋ بولىگىندەگى تالاپتارىن ۇستانادى.
سونداي-اق تاسىمالداۋشىلار تاراپىنان بۇزۋشىلىق فاكتىلەرى قايتا انىقتالعان جاعدايدا شارالار قابىلدانادى.