اتالمىش جاتتىعۋ استراحان وبلىسىنىڭ «اشۋلۋك» پوليگونىندا ءوتىپ جاتىر.
تمد-عا مۇشە بەس مەملەكەتتىڭ ەكى مىڭنان استام اسكەري قىزمەتشىسى رەسەيدە ءوتىپ جاتقان «جاۋىنگەرلىك دوستىق -2021» اتتى وقۋ-جاتتىعۋىنا قاتىسىپ جاتىر، دەپ حابارلايدى Almaty-akshamy.kz.
مامانداردىڭ ايتۋىنشا، «جاۋىنگەرلىك دوستاستىق-2021» وقۋ-جاتتىعۋىنىڭ بەلسەندى كەزەڭى 14-25 قىركۇيەك ارالىعىندا قازاقستاندا «سارىشاعان» پوليگونىندا وتەدى. وعان اۋە شابۋىلىنا قارسى قورعانىس اسكەرلەرى مەن اسكەري-اۋە كۇشتەرىنەن1 300-دەن استام اسكەري قىزمەتشى جانە 400-گە جۋىق قارۋ-جاراق پەن اسكەري تەحنيكا جۇمىلدىرىلادى.
بەلسەندى فازا بارىسىندا ءاشقق جاۋىنگەرلىك ەسەپتوپتارى زەنيتتىك-زىمىران كەشەندەرىنەن ءىس جۇزىندە وق اتادى. اسكەري اۆياسيا ەكيپاجدارى اۋەدەگى جانە جەردەگى نىسانالاردى اۆياسيا قۇرالدارىن ۇرىستا قولدانۋ ارقىلى زاقىمداي وتىرىپ، كۇندىزگى جانە تۇنگى ۇشۋلاردى پىسىقتايدى.
«وقۋ-جاتتىعۋ اسكەري باسقارۋ ورگاندارىنىڭ دايىندىق دەڭگەيىن، جاۋىنگەرلىك ەسەپتوپتار مەن ەكيپاجداردىڭ ۇيلەسىمدىلىگىن ارتتىرۋ، سونداي-اق اۋە شابۋىلىنا قارسى جانە اۋەدە شايقاستاردى جۇرگىزۋ تاسىلدەرىن پىسىقتاۋ ماقساتىندا وتكىزىلەدى. قارۋلى قاقتىعىستاردا اۆياسيا مەن اۋە شابۋىلىنا قارسى قورعانىس اسكەرلەرىن قولدانۋدى ۇيىمداستىرۋ بويىنشا ءتۇرلى تاكتيكالىق ەپيزودتار كورسەتىلەدى»، – دەپ اتاپ ءوتتى اۋە قورعانىسى كۇشتەرى باس شتابىنىڭ باستىعى، گەنەرال-مايور فازىلوللا بادەنوۆ.
