1 قاڭتار مەن 4 قىركۇيەك ارالىعىندا مونيتورينگتىك توپتار بەلگىلەنگەن كارانتيندىك شەكتەۋلەردى بۇزعان 3626 نىساندى انىقتادى. سانيتارلىق دارىگەرلەر ىستەرى سوتتا قارالاتىن ءجيى ءتارتىپ بۇزاتىنداردىڭ ءتىزىمىن جاريالادى دەپ حابارلايدى almaty-akshamy.kz
ۆەدومستۆو حابارلاعانداي، جىل باسىنان بەرى مونيتورينگتىك توپتار 37 972 وبەكتىنى تەكسەرگەن. بۇلار – نەگىزىنەن كارانتين ەرەجەلەرىن ەلەمەيتىن كوڭىل كوتەرەتىن ورىندار.
اعىمداعى جىلى بۇزۋشىلارعا قاتىستى 5 706 حاتتاما جاسالدى، ونىڭ ىشىندە 597 زاڭدى تۇلعاعا 209 ملن تەڭگەدەن اساتىن ايىپپۇل سالىندى، جەكە تۇلعالارعا قاتىستى ماسكا رەجيمىن بۇزعانى ءۇشىن شامامەن 225 ملن تەڭگە ايىپپۇل سالىنىپ، 5109 حاتتاما تولتىرىلدى. 425 باپتىڭ 3ء-بولىمىنىڭ 1-تارماعى بويىنشا 65 نىساننىڭ جۇمىسىن توقتاتۋ تۋرالى شەشىم قابىلداندى.
الماتىنىڭ اكىمشىلىك سوتتارىنا 462 باپ بويىنشا 76 ماتەريال جىبەرىلدى. سەبد ىستەرى سوتتا قارالاتىن كارانتيندى ءجيى بۇزاتىنداردى اتادى. وسى تىزىمدىگىلەر: Alimus بيليارد كلۋبى، «الەم» كاراوكە كلۋبى، Port Billiard Hall بيليارد كلۋبى، «لابيرينت» كافەسى، «لالا» دۇكەنى، «Kuanysh Grand Hall» بانكەت زالى، Late niqt شوۋ بارى، «بايتەرەك» مەيرامحاناسى.
مەكەمەلەردى تەكسەرۋ جالعاسۋدا، مىسالى، 1-3 قىركۇيەك ارالىعىندا الماتىدا 20 كارانتيندىك بۇزۋشىلىق انىقتالدى. سونىمەن، 1 قىركۇيەكتە المالى اۋدانىندا شامامەن 23.47 شاماسىندا باقىلاۋ توبىنىڭ وكىلدەرى «نايدستار» كافەسىندە بۇزۋشىلىقتى تىركەدى. مۇندا 30-عا جۋىق كەلۋشى بولدى.
ەسكە سالساق، الماتىداعى ەپيدەميولوگيالىق جاعداي تۇراقسىز بولۋدا، تاۋلىك سايىن قالادا كۆي ينفەكسياسىنىڭ شامامەن 1000-1200 جاعدايى انىقتالۋدا. سوندىقتان مەگاپوليستىڭ تۇرعىندارى مەن قوناقتارى، سونداي-اق كاسىپكەرلىك نىساندارى سانيتارلىق نورمالار مەن كارانتين تالاپتارىن قاتاڭ ساقتاپ، ادامدار كوپ جينالاتىن جەرلەردەن اۋلاق بولعاندارى ءجون. شەكتەۋ شارالارىنا جاۋاپسىز قاراۋ جانە ەلەمەۋ دەرتتىڭ ۋشىعۋىنا اكەلۋى مۇمكىن.