جاستار اراسىندا Kalifariniya لاقاپ اتىمەن تانىمال ءانشى فارحات قالييەۆ “تۇنگى ستۋديا” باعدارلاماسىندا الداعى جوسپارلارىمەن ءبولىستى، دەپ حابارلايدى Almaty-akshamy.kz.
باعدارلاما جۇرگىزۋشىسى نۇرلان قويانبايەۆتىڭ: “قازاقستاندىق جاس انشىلەر ەلىمىزدە عانا ەمەس، شەتەلدەردە دە كونسەرت بەرسە ەكەن، سول جاقتان اقشا الىپ كەلسە ەكەن دەپ ويلايمىز. قانداي جوسپارلارىڭ بار؟” دەگەن ساۋالىنا فارحات:
“بۇيىرسا امەريكانىڭ ءۇش قالاسىندا كونسەرت بەرگەلى جاتىرمىن. سول جاقتان ۇسىنىس ءتۇستى. قازىرگى كەزدە كورشىلەس جۇڭگو، ودان كەيىن وڭتۇستىك كورەيا ەلدەرىمەن سويلەسىپ جاتىرمىز. قازان ايىندا امەريكانىڭ نيۋ-يورك، مايامي جانە چيكاگو قالالارىندا كونسەرت وتەدى”، – دەپ جاۋاپ بەردى.