نۇرمۇحامەد يسمان ۇلى بايعارايەۆ قازاقستان رەسپۋبليكاسى پرەزيدەنتىنىڭ باسپا ءسوز حاتشىسى لاۋازىمىنا تاعايىندالدى، دەپ حابارلايدى Almaty-akshamy.kz اقورداعا سىلتەمە جاساپ.
نۇرمۇحامەد بايعارايەۆ «بولاشاق» باعدارلاماسى ارقىلى 2017 جىلى ۇلىبريتانيانىڭ لانكاستەر ۋنيۆەرسيتەتىندە ءبىلىم العان (MSc of Project Management).
ءبىرقاتار باسپا ءسوز باسىلىمدارى مەن ەلەكتروندى باق-تا جۇمىس ىستەگەن، «ايقىن» گازەتىنىڭ باس رەداكتورى، «ەگەمەن قازاقستان» باسىلىمىندا باس رەداكتوردىڭ ورىنباسارى قىزمەتىن اتقاردى.
ءارتۇرلى جىلداردا «حابار»، «Qazaqstan» تەلەارنالارىندا پروديۋسەر، سەناريست جانە جۇرگىزۋشى رەتىندە ەڭبەك ەتتى. ق ر ءدىن ىستەرى جانە ازاماتتىق قوعام مينيسترلىگى، «ازاماتتىق باستامالاردى قولداۋ ورتالىعى» كەاق ساراپتاما جانە ستراتەگيالىق دامۋ دەپارتامەنتىنىڭ ديرەكتورى جانە «قازاق راديولارى» ج ش س باس ديرەكتورىنىڭ كەڭەسشىسى قىزمەتتەرىن اتقاردى.
بيىل اقپان ايىنان بەرى ق ر پرەزيدەنتى باسپا ءسوز حاتشىسىنىڭ ورىنباسارى قىزمەتىن اتقاردى.