قازاقستاندىق اننا دانيلينا جۇپتىق سىندا فرانسيادا وتكەن ITF W 25 ءتۋرنيرىنىڭ جەڭىمپازى اتاندى، دەپ حابارلايدى Almaty-akshamy.kz.
قازاقستانتەننيس فەدەراسياسى ءمالىم ەتكەنىندەي، دانيلينا ۋكراينالىق ۆالەريا ستراحوۆامەن بىرگە فينالدا جارىستىڭ 3-راكەتكالارى، فرانسيالىقتار ودري البي - ليولەيا جانجانمەن كەزدەستى. ءبىرىنشى پارتيادا تاي-برەيكتە كورت يەلەرى ۇستەمدىك تانىتتى - 7:6 (9:7). ەكىنشى سەتتە ەكى برەيك جاساعان قازاقستاندىق-ۋكراينالىق جۇپ باسىمدىلىق كورسەتتى - 6:2. سۋپەر تاي-برەيكتە دانيلينا مەن ستراحوۆا جەڭىستى جۇلىپ الدى - 10:4. وسىلايشا قازاقستاندىق تەننيسشى جۇپتىق سىندا بيىلعى جەتىنشى تيتۋلىنا قول جەتكىزدى. ا.دانيلينا جەكەلەي سىندا دا جارىستى جالعاستىرۋدا. ول بۇگىن فينالعا شىعۋ ءۇشىن فرانسيالىق اليسا روببەمەن تالاسادى. ەسكە سالا كەتەيىك، بۇدان بۇرىن الەكساندر نەدوۆەسوۆتىڭ جۇپتىق سىندا كييەۆ ءتۋرنيرىنىڭ فينالىنا شىققانىن.