قازاقستاندىق سۋمويست ەرسىن بالتاع يمپەراتور كۋبوگىندا كوش باستادى، دەپ حابارلايدى aqshamnews.kz
قازاقستاندىق سۋمويست ەرسىن بالتاع (ساحناداعى ەسىمى — كيمبودزان حيرۋكي) جاپونيادا ءوتىپ جاتقان يمپەراتور كۋبوگىنىڭ قاڭتار ايىنداعى ءباسو تۋرنيرىندە ۇزدىك ناتيجە كورسەتىپ، تاريحتا العاش رەت كوشباسشى اتاندى. ەرسىننىڭ بويى 190 سم، سالماعى 180 كگ.
توكيونىڭ ايگىلى «كوكۋگيكان» سۋمو سارايىندا وتكەن بۇل تۋرنير ۇلتتىق كۇرەستىڭ ەليتالىق ديۆيزيونى ءۇشىن اسا ماڭىزدى. ەرسىن بالتاع توعىز تۋر قورىتىندىسى بويىنشا بىردە-بىر جەڭىلىسسىز تۋرنير كەستەسىن باستاپ تۇر.
ەرسىننىڭ ەڭ جاقىن قارسىلاستارى — موڭعولدىق ءتيوسوما (8-1) جانە جاپوندىقتار وحو مەن تاكەرۋفۋدزي (7-2). تۋرنير 26 قاڭتاردا اياقتالادى، ال سپورتشىلارعا ءالى بەس كەزدەسۋگە قاتىسۋ قاجەت.
سۋرەت «دياديا ۆانيا» تەلەگرام-ارناسىنان
كيمبودزان حيرۋكي — ەليتالىق ديۆيزيونعا جولداما العان جانە يمپەراتور كۋبوگىندا كوش باستاعان العاشقى قازاقستاندىق سۋمويست. بۇل ونىڭ سپورتتاعى ەرەكشە جەتىستىگىنىڭ جانە ەل ءۇشىن ماقتانىش بولارلىق ءساتتىڭ دالەلى.