ق ر قورعانىس مينيسترلىگى تاربيە جانە يدەولوگيالىق جۇمىس دەپارتامەنتىنىڭ باستىعى ادىلەت پولكوۆنيگى تىلەۋحان باسقوجايەۆ باستاعان ءبىر توپ وفيسەر مايدانگەرلەردىڭ ۇيىنە باردى.
ۇلى وتان سوعىسىنىڭ ارداگەرى اناتوليي نازاروۆيچ پوپوۆپەن كەزدەسۋدە ادىلەت پولكوۆنيگى تىلەۋحان باسقوجايەۆ مايدانگەرگە قورعانىس ءمينيسترى گەنەرال-پولكوۆنيك رۋسلان جاقسىلىقوۆتىڭ قۇتتىقتاۋ حاتىن تابىس ەتتى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
وسىدان بىرنەشە كۇن بۇرىن اناتوليي نازاروۆيچ 99 جاسقا تولعان تۋعان كۇنىن اتاپ وتكەن بولاتىن. الماتى وبلىسىنىڭ قاسكەلەڭ قالاسىندا تۋعان اناتوليي نازاروۆيچ اسكەري بايلانىسشى ماماندىعىن الىپ، 1943 جىلدان باستاپ بالتىق مايدانىندا سوعىستى.
بۇگىندە مايدانگەردىڭ كەۋدەسىندە II دارەجەلى وتان سوعىسى وردەنى مەن "ريگانى ازات ەتكەنى ءۇشىن"، "گەرمانيانى جەڭگەنى ءۇشىن" مەدالدارى جانە كوپتەگەن مەرەيتويلىق ناگرادالار جارقىرايدى.
– ءسىزدىڭ بۋىننىڭ ۇلەسىنە تىم قاتال سىناق ءتۇستى. ءبىراق سىزدەر جاۋدى جەڭىپ، جەڭىمپاز اتاندىڭىزدار. ءسىزدىڭ ەرلىگىڭىز بەن تاباندىلىعىڭىزدىڭ ارقاسىندا جەر بەتىندە بەيبىتشىلىك ورنادى، – دەدى پولكوۆنيك ت. باسقوجايەۆ.
اسكەري قىزمەتشىلەر ۇلى وتان سوعىسىنىڭ ارداگەرى تامارا ماكسيموۆانى دا قۇتتىقتاپ باردى.
تامارا الەكساندروۆنا ماكسيموۆا الداعى 23 ساۋىردە 101 جاسقا تولادى. سوعىس كەزىندە ول ۆولوكولامسك تاس جولىنداعى گوسپيتالدە جۇمىس ىستەدى. الدىمەن تىركەۋدە، كەيىن مەدبيكە بولدى. ول اۋىر جارالانعان جاۋىنگەرلەرگە قامقورلىق جاساپ، ءوز بەتىمەن حات جازا المايتىن قىزىل اسكەرلەرگە كومەكتەستى. وسى گوسپيتالدە 2007 جىلعا دەيىن باقىتتى عۇمىر كەشكەن بولاشاق جارى كونستانتينمەن كەزدەستى.
تامارا الەكساندروۆنا 1943 جىلى اۋىر جاراقات سالدارىنان دەنساۋلىعىنا بايلانىستى جۇمىستان شىعارىلدى. سوعىستان سوڭ 10-سىنىپتى جەدەلدەتىلگەن باعدارلامامەن ءبىتىرىپ، ماسكەۋ ينستيتۋتىنىڭ تاريح جانە فيلولوگيا فاكۋلتەتىنە وقۋعا ءتۇستى. عىلىم كانديداتى دارەجەسىن الىپ، ءال-فارابي اتىنداعى قازاق ۇلتتىق ۋنيۆەرسيتەتىندە جۇمىس ىستەدى.
تامارا الەكساندروۆنا II دارەجەلى وتان سوعىسى وردەنىمەن، "ماسكەۋدى قورعاعانى ءۇشىن" مەدالىمەن جانە باسقا دا ناگرادالارمەن ماراپاتتالعان.
اسكەري ۆەدومستۆو وكىلدەرى سوعىس ارداگەرلەرىنە ومىرشەڭدىگى ءۇشىن العىس ايتىپ، ولارعا ۇزاق عۇمىر مەن اماندىق تىلەدى.