ەلىمىزدىڭ كاسىپورىندارى تمد-دا ۇزدىكتەر قاتارىندا.
وتاندىق ونەركاسىپ ورىندارى قىزمەتىن سىرتقى نارىققا دا ۇسىنىپ كەلەدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
سونىڭ ءبىرى – ەلورداداعى پوليگرافيا ورتالىعى. 100 ادام جۇمىس ىستەيتىن مەكەمە شاعىن كاسىپكەرلىك سۋبەكتىلەر اراسىندا ۇزدىك شىقسا، پاۆلودارداعى قۇبىر وندىرەتىن كومپانيا ءىرى بيزنەس قۇرىلىمداردىڭ كوشىن باستادى. اتىراۋداعى بەكىتپە بولشەكتەرىن شىعاراتىن كاسىپورىن مۇناي-گاز سالاسىنا ۇزدىك قىزمەت كورسەتۋشى اتاندى.
«بيزنەس پروسەستەردىڭ جوعارى ستاندارتقا سايكەستەندىرىلۋى كورسەتىلەتىن قىزمەت پەن جاسالاتىن ءونىمنىڭ ساپاسىن جاقسارتۋعا جول اشادى. حالىقارالىق ساراپشىلار وسى جاعدايدى باعامدايدى. قازاقستاننىڭ 5 بىردەي كاسىپورنى ۇزدىك دەگەن باعاعا يە بولدى. بايقاۋدىڭ 17 جىلدىق تاريحىندا ءبىز مۇنداي كورسەتكىشكە قول جەتكىزبەگەنبىز»، - دەيدى «اتامەكەن» ۇلتتىق كاسىپكەرلەر پالاتاسىنىڭ باسقارۋشى ديرەكتورى سالتانات ابدىكارىموۆا.
بايقاۋ وندىرۋشىلەردىڭ الەۋەتىن جاقسارتىپ، ءوزارا ساۋدا اينالىمىن ارتتىرۋدى ماقسات ەتەدى. «تمد ۇزدىك ساپا» بەلگىسىنە يە بولعان بيزنەس سەرىكتەستەر ءۇش جىل بويى ونىمدەرىن الەمدىك نارىققا ۇسىنا الادى.