باعدارلاما شەتەلدىك ستۋدەنتتەردى قولداۋعا باعىتتالعان.
قازاقستاندىق ستۋدەنتتەر Türkiye Bursları گرانتتىق باعدارلاماسى اياسىندا تۇركيانىڭ مەملەكەتتىك ۋنيۆەرسيتەتتەرىندە وقيتىن بولدى، دەپ حابارلايدى aqshamnews.kz
عىلىم جانە جوعارى ءبىلىم مينيسترلىگىنىڭ مالىمەتىنشە، اتالمىش باعدارلاما – تۇركيادا جوعارى ءبىلىم الۋ ءۇشىن تولىق قارجىلاندىرۋدى قامتاماسىز ەتە وتىرىپ، شەتەلدىك ستۋدەنتتەردى قولداۋعا باعىتتالعان نەگىزگى باستامالاردىڭ ءبىرى.
«الەمنىڭ تۇكپىر-تۇكپىرىنەن تالانتتى تالاپكەرلەرگە ارنالعان Türkiye Bursları باعدارلاماسى 1991 جىلدان بەرى جۇمىس ىستەيدى. وسى ۋاقىتقا دەيىن قازاقستاننان بۇل گرانتتى 9 مىڭنان استام ستۋدەنت يەلەنگەن ەدى»،-دەلىنگەن مينيسترلىك حابارلاماسىندا.