تۋىندىدا بۋراباي، قاتونقاراعاي، التىن-ەمەل، جوڭعار-الاتاۋى مەملەكەتتىك ۇلتتىق پاركتەرىنىڭ كەرەمەت كورىنىستەرى كورسەتىلەدى.
ءانشى ديماش قۇدايبەرگەنمەن بىرگە ەلىمىزدىڭ تۋريستىك ورىندارىندا بەينەبايان تۇسىرۋگە كىرىستى، دەپ حابارلايدى aqshamnews.kz
جوبا اياسىندا تىڭدارماندارعا قازاقستاننىڭ تابيعي جانە مادەني قازىنالارىنا ارنالعان جاڭا مۋزىكالىق كومپوزيسيا ۇسىنىلادى.
تۋريزم جانە سپورت مينيسترلىگىنىڭ حابارلاۋىنشا، بەينەباياننىڭ ءتۇسىرىلىمى شارىن شاتقالى، كولساي كولدەرى، اقمەشىت ۇڭگىرى، ازىرەت-سۇلتان قورىق-مۋزەيى، سونداي-اق بوزجىرا شاتقالى، تورىش القابى جانە تاعى دا باسقا ەلىمىزدەگى تانىمال تۋريستىك ورىنداردا ءوتتى. سونداي-اق جاڭا تۋىندىدا بۋراباي، قاتونقاراعاي، التىن-ەمەل، جوڭعار-الاتاۋى مەملەكەتتىك ۇلتتىق پاركتەرىنىڭ كەرەمەت كورىنىستەرى كورسەتىلەدى دەپ كۇتىلۋدە.
جوبا دارىندى ونەرپازىمىزدىڭ جانكۇيەرلەرىن ەلىمىزدىڭ تابيعي جانە مادەني مۇراسىمەن تانىستىرۋعا، سول ارقىلى قازاقستاننىڭ ءتۋريزمىن دامىتۋعا مۇمكىندىك بەرەدى.
"ديماش – قازاقستان ءتۋريزمىنىڭ ەلشىسى اتانۋعا لايىقتى تۇلعا. كوپتەگەن ادام قازاقستاندى ديماش ارقىلى تانيدى"، -دەپ اتاپ ءوتتى ءانشىنىڭ قىتايداعى فانكلۋبى.
"ديماش ءبىزدى ونەر ارقىلى قازاقستانمەن تانىستىردى. ول ءوزىنىڭ كونسەرتتەرىندە، كەزدەسۋلەردە ءبىزدى ءاردايىم قازاقستانعا شاقىرادى. شىنايى جانكۇيەرلەرى الەمنىڭ تۇكپىر-تۇكپىرىنەن ديماشتىڭ وتانىنا بارادى. سوندىقتان ءبىز بيىل قىركۇيەكتە وتەتىن ديماشتىڭ كونسەرتىنە (استانا قالاسىندا) كەلەمىز"، - دەپ پىكىر جازدى جوبا تۋرالى جاريالانىمنىڭ استىنا ولگا گريچەنكو ەسىمدى تىڭدارمان.