ءۇش كارتينانىڭ جەكە كورسەتىلىمى ءوتتى
بۇل – جەتكىنشەكتەردىڭ ەسەيۋى كەزەڭىندەگى ماسەلەلەردى قوزعايتىن «كەستە» ءفيلمى، «1941 جىلدىڭ جازى» اتتى تاريحي كارتينا جانە «زەرە» دراماسى، دەپ حابارلايدى Almaty-akshamy.kz
«قازاقستان كينەماتوگرافىنىڭ تىنىسىن كورسەتۋگە كەلدىك. بۇل – نەگىزىنەن الەۋمەتتىك ماڭىزى بار فيلمدەر. مەملەكەت وسى سىندى قوعامدى تولعاندىرعان ماسەلەلەردى كوتەرەتىن فيلمدەردى قارجىلاندىرۋعا ەرەكشە كوڭىل ءبولىپ وتىر»، - دەدى كينوورتالىق باسقارماسى ءتوراعاسىنىڭ ورىنباسارى باۋىرجان شوكەنوۆ.
«جوعارى دەڭگەيدە تۇسىرىلگەن ءتۇرلى جانرداعى ءفيلمدى كوردىك. رەسەي اسىرەسە، قازاق كومەديالارىن ۇناتادى. پاندەميا كەزىندە بارلىعىمىز ۇيدە وتىرىپ تاماشالادىق. ارينە، قازاقستاندىق كينو اۋقىمدى تاريحي قويىلىمدارىمەن دە ايگىلى. ماسەلەن، "توميريس" ءفيلمىنىڭ رەسەيدە شىعۋىن كۇتىپ، كارتينانى ينتەرنەت پلاتفورمالاردان كوردىك»، - دەدى «رەسەي كينوبيزنەسى» فورۋمىنىڭ باس ديرەكتورى ەكاتەرينا ءبورداچوۆا.
شاراعا قاتىسۋدىڭ باستى ماقساتى – پروكات كومپانيالارى مەن ستريمينگ پلاتفورمالارىنا فيلمدەر ۇسىنۋ. قازىرگى كەزدە وسىنداي پلاتفورمالاردىڭ قارجىلىق تيىمدىلىگى ۇلكەن ەكرانداردا كورسەتىلەتىن فيلمدەردىڭ تابىسىنان كەم تۇسپەيدى.