ۇلت پەن ۇلىستىڭ بولاشاعى حالىقتىڭ ءوز قولىندا
بۇل پىكىردى گەرالديكالىق ورتالىقتىڭ ديرەكتورى اسىلبەك بايجۇما ۇلى ايتتى، دەپ حابارلايدى Almaty-akshamy.kz.
«5 ماۋسىمدا پرەزيدەنت جارلىعىمەن جالپىحالىقتىق كونستيتۋسيالىق رەفورمالار اياسىندا رەفەرەندۋم وتەدى. قازاقستاننىڭ دامۋى ايقىندالاتىن ساتتە پرەزيدەنت حالىقتىڭ قولداۋىنا سەنىپ وتىر. كونستيتۋسيالىق سوت قۇرۋ ارقىلى ادام قۇقىعىن قورعاۋ، ءولىم جازاسىن تۇبەگەيلى جويۋ جانە ومبۋدسمەندەردىڭ وكىلەتتىگىن كونستيتۋسياعا ەنگىزۋ باستامالارى كوتەرىلدى. جاڭا قازاقستاندى، جاڭا زاماندى، ادىلەتتى مەملەكەتتى اڭساعان بار وتانداستارىمىز پرەزيدەنت باستاماسىن قولداپ، بىرلىك پەن بەرەكەنىڭ ۇلگىسىن كورسەتەدى دەگەن سەنىمدەمىن»، – دەدى گەرالديكالىق ورتالىقتىڭ ديرەكتورى.
سونداي-اق ول ءاربىر ازاماتتىڭ ءوزىنىڭ زاڭدى قۇقىعىن پايدالانا وتىرىپ، زاڭ اياسىندا ءماسليحات پەن ءماجىلىس سايلاۋىنا قاتىسۋىنا مۇمكىندىك تۋاتىنىن ايتتى.
«پارلامەنتتىك بيلىكتى كۇشەيتىپ، ءماسليحاتتار مەن ءماجىلىستىڭ ماجوريتارلىق سايلاۋ جۇيەسىنە كوشۋى – قازاقستان حالقىنىڭ ەلدەگى ساياسي ومىرىنە بەلسەنە ارالاسۋىنا مۇمكىندىك بەرەدى. ءاربىر ازاماتتىڭ ءوزىنىڭ زاڭدى قۇقىعىن پايدالانا وتىرىپ، زاڭ اياسىندا ءماسليحات پەن ءماجىلىس سايلاۋىنا قاتىسۋىنا مۇمكىندىك تۋادى. ەكىنشى دامىعان قازاقستاندى تۇبەگەيلى وزگەرىستەر كۇتىپ تۇر. ۇلت پەن ۇلىستىڭ بولاشاعى حالىقتىڭ ءوز قولىندا ەكەنىن باسا ايتتى. مەن قازاقستان رەسپۋبليكاسىنىڭ ازاماتى رەتىندە بۇل ساياسي وزگەرىستەردى قولدايمىن»، – دەدى اسىلبەك بايجۇما ۇلى.