اتامەكەن» ۇلتتىق كاسىپكەرلەر پالاتاسى ەلدەگى تارتىپسىزدىكتەر كەزىندە بيزنەستىڭ قانشا زارداپ شەككەنىن اتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«9 قاڭتار، ساعات 09.00-دەگى جاعداي بويىنشا، سall-ورتالىققا 2320 قوڭىراۋ كەلىپ ءتۇستى. ونىڭ ىشىندە: توناۋ ماسەلەلەرى بويىنشا – 1127، فورس-ماجور بويىنشا – 26، بلوك-بەكەتتەر بويىنشا – 2، جەكە تۇلعالاردىڭ قوڭىراۋلارى بويىنشا – 1052 ءوتىنىش بەرىلدى.
ەلىمىزدىڭ 10 وڭىرىندە 1351 وبەكتىدە ورنالاسقان 1181 بيزنەس نىسانى زارداپ شەككەن. ونىڭ ىشىندە الماتىدا – 1091 وبەكتىدە ورنالاسقان 935 سۋبەكت بار»، - دەلىنگەن پالاتانىڭ باسپا ءسوز قىزمەتى تاراتقان مالىمەتتە.
كاسىپكەرلەر پالاتاسىنىڭ اقپاراتى بويىنشا، ساۋدا سالاسىندا – 1122؛ قوعامدىق تاماقتاندىرۋ سالاسىندا – 17؛ قارجى سەكتورىندا – 31، لوگيستيكا سالاسىندا – 8 نىسان زارداپ شەككەن.
«زالالدىڭ جالپى سوماسى، شامالاپ ەسەپتەۋلەر بويىنشا، 92،3 ملرد تەڭگەدەن استى. الماتىداعى شىعىن 90،7 ملرد تەڭگە كولەمىندە»، - دەپ جازىلعان «اتامەكەن» مالىمەتىندە.