قازاقستانداعى قارجى پيراميدالارىنىڭ تولىق ءتىزىمى شىقتى

قارجى پيراميداسى رەتىندە ارەكەت ەتەدى دەگەن كۇدىككە ىلىنگەن، سونداي-اق سوت ۇكىمى شىققان ۇيىمداردىڭ  كەڭەيتىلگەن ءتىزىمىن جاريالادى.

بۇل تۋرالى قارجىلىق مونيتورينگى اگەنتتىگى جاريالادى، دەپ حابارلايدى Almaty-akshamy.kz.

ەندى ءوز قاراجاتىن ينۆەستيسيالاۋدى جوسپارلاعان قازاقستاندىقتار كومپانيانىڭ سەنىمدىلىگىن قارجى نارىعىن دامىتۋ جانە رەتتەۋ اگەنتتىگىنىڭ رەەسترىنەن عانا ەمەس، سونىمەن قاتار وسى تىزىمنەن دە تەكسەرە الادى.

«ايتا كەتۋ كەرەك، اگەنتتىك بيىلعى جىل باسىنان بەرى 22 قارجى پيراميداسىن انىقتاعان. كيبەرباقىلاۋ جۇيەسىندە 4 مىڭعا جۋىق سايتتار مەن اككاۋنتار بۇعاتتالدى.

الدىن الۋ جۇمىستارى اياسىندا الەۋمەتتىك جەلى قولدانۋشىلارىنا ەسكەرتۋلەر جىبەرۋ ناتيجەسىندە بۇگىندە 52 مىڭ جەلى پايدالانۋشىسى قارجى پيراميداسى بەلگىلەرى بار كونتەنتكە جازىلۋدان باس تارتتى»، - دەلىنگەن قارجىلىق مونيتورينگى اگەنتتىگىنىڭ مالىمەتىندە.

ەسكە سالايىق، ينۆەستيسيا سالماس بۇرىن كومپانيادا قارجىلىق پيراميدا بەلگىلەرىنىڭ بار-جوعىن قما Telegram-بوتىنان بىلۋگە بولادى. جىل باسىنان قىزمەتكە 3511 ءوتىنىش تۇسكەن.

«ازاماتتاردى قىراعى بولۋعا جانە اقشا قاراجاتىن كۇماندى قارجى ينستيتۋتتارىنا سالماۋعا شاقىرامىز. ەگەر ءسىز جانە ءسىزدىڭ جاقىندارىڭىز قارجى پيراميداسىنىڭ ارەكەتىنەن زارداپ شەكسە، قما ساll-ورتالىعىنا (1458) حابارلاسا الادى»، - دەدى اگەنتتىكتەن.