ىشكى ىستەر مينيسترلىگى «اۆتوكولىك تاريحى» مەن «ءبىرىڭعاي ساقتاندىرۋ دەرەكتەر بازاسى» سەرۆيسىن بىرىكتىرۋدى جوسپارلاپ وتىر.
بۇل كولىكتى ساتىپ الماستان بۇرىن جول-كولىك اپاتىنا تۇسكەن-تۇسپەگەنىن قوسىمشا تەكسەرۋگە مۇمكىندىك بەرەدى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ باسپا ءسوز قىزمەتىنىڭ حابارلاۋىنشا، ۆەدومستۆو «اۆتوكولىك تاريحى» سەرۆيسىن جەتىلدىرۋدى جوسپارلاپ وتىر. ونى «ءبىرىڭعاي ساقتاندىرۋ دەرەكتەر بازاسىمەن» بىرىكتىرۋ كولىكتىڭ جول اپاتىنا ۇشىراعان-ۇشىراماعانىن قوسىمشا تەكسەرۋگە مۇمكىندىك بەرمەك.
بۇل سەرۆيس ىسكە قوسىلعان ساتتەن باستاپ قازاقستاندىقتار ەكى ميلليوننان استام كولىك قۇرالىن تەكسەردى. سەرۆيس قازاقستاندا اۆتوكولىك تاريحىن ونلاين-رەجيمدە كورۋگە مۇكىندىك بەرەدى.
«اۆتوكولىك تاريحى» قىزمەتى ازاماتتارعا اۆتوكولىك ساتىپ العاندا اۆتوكولىكتىڭ قازاقستاندا العاش تىركەلگەن كۇنىن، بۇرىنعى يەلەرىنىڭ سانىن، كەپىلدىكتەر مەن اۋىرتپالىقتاردىڭ بار-جوعىن كورۋگە مۇمكىندىك بەرەدى.