ورمان سەكتورىنداعى ازيالىق ىنتىماقتاستىق ۇيىمى – افوكو قازاقستانعا ورمانداردى قالپىنا كەلتىرۋگە جانە ورتتەردىڭ الدىن الۋعا كومەكتەسەدى.
مۇنداي كەلىسىمگە سەۋلدە ءماجىلىس دەپۋتاتى ەدىل ءجاڭبىرشيننىڭ وسى ۇيىمنىڭ ۆيسە-پرەزيدەنتىمەن كەزدەسۋىندە قول جەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
ەكولوگيا جانە تابيعاتتى پايدالانۋ كوميتەتىنىڭ ءتوراعاسى ازيا-تىنىق مۇحيتى ايماعى ەلدەرىنىڭ قورشاعان ورتا جانە دامۋى جونىندەگى پارلامەنتتىك كونفەرەنسياسىنا قاتىسۋ ءۇشىن كورەياعا بارعان. ءماجىلىس دەپۋتاتى باسقا مەملەكەتتەردەن كەلگەن ارىپتەستەرىنە قازاقستاننىڭ كليماتتىڭ وزگەرۋىنە قاتىستى قانداي شارالار قولدانىپ جاتقانى جونىندە باياندادى.
«كورەيا ءوزىنىڭ ورمان القاپتارىن قايتتان قالپىنا كەلتىرۋ ءۇشىن وسى 50-60 جىلدا 11 ميلليارد اعاش وتىرعىزعان ەكەن جانە 2،5 ميلليون گەكتارداي جەردى ورمان القاپتارىن قالپىنا كەلتىرگەن. سوعان بايلانىستى وسى كورەي تاراپىنا ولاردىڭ مول تاجىريبەسىن بىزدەردە پايدالانۋ جونىندە ۇسىنىستار بەردىك. ترەنيگتەردى وتكىزۋ ولاردىڭ تەحنولوگيالارىن پايدالانۋ نەمەسە باسقا دا بىزگە قاجەتتى مۇمكىندىكتەرىن بىزگە الىپ كەلىپ كورسەتسە نەمەسە ءبىزدىڭ ازاماتتاردى شاقىرىپ وسى جەردە ىس-تاجىريبەدەن وتكىزۋ دەيتىن ماسەلەلەر تالقىلاندى»، - دەيدى ق ر پارلامەنتى ءماجىلىسىنىڭ كوميتەت ءتوراعاسى ەدىل جاڭبىرشين.