بۇل - ۆەلوترەكتەن ازيا چەمپيوناتىندا قازاقستان ەرلەر قۇراماسىنىڭ كورسەتكىشى.
مالايزيادا ۆەلوترەكتەن ەرلەر مەن ايەلدەر اراسىندا ازيا چەمپيوناتى باستالدى. باسەكەنىڭ العاشقى كۇنى-اق قازاقستان ەرلەر قۇراماسى كوماندالىق جارىستا قولا جۇلدەگە قول جەتكىزدى، دەپ حابارلايدى Almaty-akshamy.kz.
جارىستا ەل نامىسىن الىشەر جۇماحان، ءارتوم زاحاروۆ، دميتريي نوسكوۆ پەن راميس دىنمۇحامەدوۆ قورعادى. ولار 4 شاقىرىمدى 4 مينۋت 4 سەكۋندتا ءجۇرىپ ءوتتى.
تاس جولداعى ۆەلوسپورتتان تايلاندتا وتكەن ازيا چەمپيوناتىندا قازاقستاننىڭ ەرلەر قۇراماسى پاريج وليمپياداسىنىڭ ليسەنزياسىن جەڭىپ الدى. جەرلەستەرىمىز ءبىر اپتاعا سوزىلعان قۇرلىقتىق بىرىنشىلىكتە 15 جۇلدەگە يە بولعان ەدى.