قازاقستانداعى ەڭ ۇلكەن پازل قۇراستىرىلدى

موزايكالىق تۋىندىنىڭ جالپى اۋماعى - 200 شارشى مەتر.

ونى «جاڭا ادامدار» جاستار قوزعالىسىنىڭ بەلسەندىلەرى مەن قالا تۇرعىندارى جاساپ شىقتى. «بولاشاقتىڭ  قالاسى» دەپ اتالاتىن كارتينادا ەلوردانىڭ كەلەشەكتەگى كەلبەتى سالىنعان، دەپ حابارلايدى Almaty-akshamy.kz 24.kz-كە سىلتەمە جاساپ. 

ءتىپتى پازلداعى سۋرەتتەردىڭ ءوز ەرەكشەلىگى مەن استارلى ويى بار. 1500 دانا موزايكا بولشەكتەرىنەن تۇراتىن پازلدى قۇراستىرۋ ءۇشىن 50 ادام بىلەك سىبانا كىرىستى. يدەيا اۆتورى استانانىڭ كەلەشەكتەگى كەلبەتىنەن بولەك، باس شاھاردىڭ بۇگىنگى تۇيىتكىلدى ماسەلەلەرىنىڭ شەشىم تاپقان كورىنىسىن تۋىندى ارقىلى كورسەتكەن. مىسالى، جىر بولعان LRT قۇرىلىسى، كىشى تالدىكولدىڭ تاعدىرى، 5G جىلدام ينتەرنەت جەلىسى سياقتى باس-اياعى 30-عا جۋىق پروبلەمانى الىپ، موزايكالىق پازلدا بەينەلەگەن.

«ءبىز ءارتۇرلى قالانىڭ ماسەلەلەرىن الدىق جانە ونىڭ شەشۋ جولدارىن سالدىق وسى پازلعا. مەن ءوزىم جالپى ديزاينەر بولىپ تابىلامىن. ءبىزدىڭ قوزعالىستاعى بەلسەندىلەرمەن بىرگە وسى سۋرەتتىڭ ەسكيزىن سالدىق»، - دەيدى يدەيا اۆتورى ميراس احمەتوۆ. 

يدەيا اۆتورى مەن «جاڭا ادامدار» جاستار قوزعالىسىنىڭ بەلسەندىلەرى موزايكالىق تۋىندىنى ازىرلەۋ ءۇشىن 2 اي ۋاقىت جۇمساعان. ءاربىر سۋرەتتىڭ ءوز ايتار ويى بار. بۇگىن ونى قۇراستىرۋعا جاسى دا، جاسامىسى دا ءبىر كىسىدەي اتسالىستى.

الىپ پازلدى استانا قالاسى اكىمدىگىنىڭ ءدال الدىندا قۇراستىرۋ دا تەگىن ەمەس. ۇيىمداستىرۋشىلار بيلىككە ەل استاناسىنىڭ بۇگىنى مەن ەرتەڭگى كورىنىسى تۋرالى ويىمىزدى وسىلاي جەتكىزگىمىز كەلدى دەيدى. «جاڭا ادامدار» جاستار قوزعالىسىنىڭ بەلسەندىلەرى كەلەشەكتە بۇل موزايكالىق تۋىندىنى قالانىڭ كورىكتى جەرىنە ورنالاستىرۋدى كوزدەپ وتىر.

يستوچنيك: https://24.kz/kz/zha-aly-tar/o-am/item/611302-astanada-aza-standa-y-e-lken-pazl-rastyryldy
ليۋبوە يسپولزوۆانيە ماتەريالوۆ دوپۋسكاەتسيا تولكو پري ناليچيي گيپەرسسىلكي نا www.24.kz