قازاقستاندىقتار الكوگولدى سۋسىندارعا كوبىرەك اقشا جۇمساي باستاعان. مۇمكىن، بۇل ىشىمدىكتىڭ باعاسى ءبىر جىل ىشىندە ورتاشا ەسەپپەن 9،3%-عا قىمباتتاعاندىقتان بولار، دەپ حابارلايدى aqshamnews.kz.
Energyprom.kz مالىمەتتەرى بويىنشا، 2024 جىلدىڭ ەكىنشى توقسانىندا ءاربىر قازاقستاندىق وتباسى ورتاشا ەسەپپەن الكوگولدى سۋسىندارعا 5،5 مىڭ تەڭگە جۇمساعان. بۇل 2023 جىلدىڭ وسى كەزەڭىمەن سالىستىرعاندا 8،1%-عا كوپ.
قازاقستانداعى "ەڭ كوپ ىشەتىن" وڭىرلەر رەتىندە شىعىس قازاقستان وبلىسى جانە پاۆلودار وبلىسى انىقتالدى (مۇندا ىشىمدىككە 9،5 مىڭ تەڭگەدەن جۇمسالادى)، سونداي-اق الماتى قالاسى (8،9 مىڭ تەڭگە). وڭتۇستىك استانادا ىشىمدىككە جۇمسالاتىن شىعىن ءبىر جىلدا 20،5%-عا وسكەن. ال ەڭ از اقشا جۇمسايتىن وڭىرلەر – ماڭعىستاۋ، اتىراۋ جانە قىزىلوردا وبلىستارى.
سونىمەن قاتار، ءبىر جىل ىشىندە ىشىمدىك باعاسى قىمباتتاعان. ەل بويىنشا سىرا 14،4%-عا، شاراپ 9،9%-عا، ال اراق 3،6%-عا وسكەن. باعالاردىڭ ەڭ كوپ ءوسۋى اقمولا جانە قىزىلوردا وبلىستارىندا بايقالعان.