ق ر دسم سانيتاريالىق-ەپيدەميولوگيالىق باقىلاۋ كوميتەتى 2021 جىلدىڭ 9 ايىندا ەلدىڭ نارىعىندا ساتىلاتىن تاماق ونىمدەرىنىڭ ساپاسى مەن قاۋىپسىزدىگىن قامتاماسىز ەتۋ بويىنشا جۇمىستىڭ قورىتىندىسىن شىعاردى، دەپ حابارلايدى almaty-akshamy.kz قازاقپاراتقا سىلتەمە جاساپ.
«بيىلدىڭ 9 ايىندا مونيتورينگ اياسىندا 22175-تەن استام تاماق ونىمدەرىنىڭ سىنامالارى زەرتتەلدى، ولاردىڭ 2537ء-سى (11،4%) تەحنيكالىق رەگلامەنتتەردىڭ تالاپتارىنا جاۋاپ بەرمەدى.
تاڭبالاۋ ەرەجەلەرىنىڭ ساقتالماۋى - 70%، ميكروبيولوگيالىق كورسەتكىشتەر بويىنشا سايكەسسىزدىك 16،1%، تاڭبالاۋدا مالىمدەلگەن ءونىمنىڭ كورسەتكىشتەرى بويىنشا سايكەسسىزدىك (جالعان ءونىمنىڭ بولۋى) نەمەسە تۇتىنۋشىنى جاڭىلىستىراتىن كورسەتكىشتەر بويىنشا – 14 پايىزدى قۇرادى» ، - دەپ حابارلادى ۆەدومستۆودان .
كوميتەتتە اتاپ وتكەندەي، سايكەسسىزدىكتەردىڭ ەڭ كوپ سانى ەت ونىمدەرىندە – 14،5%، قۇس ەتىندە – 25،1%، بالىقتا - 12%، ماي ونىمدەرىندە – 4،3%، ءسۇت ونىمدەرىندە – 10،3%، كونديتەرلىك ونىمدەردە – 9،9%، نان-توقاش ونىمدەرىندە – 0،8 %، جەمىس-كوكونىس ونىمدەرىندە – 3،1%، قاپتالعان اۋىز سۋدا، ونىڭ ىشىندە مينەرالدى سۋدا – 0،3 %، شىرىن ونىمدەرىندە – 1،9 %، الكوگول ونىمدەرىندە – 1،1 %، الكوگولسىز سۋسىندار - 4،5 %، ارنايى تاماق ونىمدەرى – 5،5 %، بيولوگيالىق بەلسەندى قوسپالار (ببق) - 0،9% جانە وزگە دە تاماق ونىمدەرى -10،3%-ىن قۇرادى. بەلگىلى بولعانداي، تالاپتاردى بۇزۋدىڭ نەگىزگى ۇلەسى ەاەو-عا مۇشە مەملەكەتتەردەن جەتكىزىلەتىن ونىمدەردە – 55،4 %، باسقا ەلدەردەن 21،8% انىقتالدى. وتاندىق وندىرۋشىلەردىڭ بەلگىلەنگەن تالاپتارعا ساي كەلمەيتىن ءونىمى 22% قۇرادى.
«انىقتالعان بارلىق فاكتىلەرى بويىنشا 1246 ۇيعارىم بەرىلدى، اكىمشىلىك قۇقىق بۇزۋشىلىق تۋرالى 20 ءىس قوزعالدى، 6 ملن تەڭگەدەن استام سوماعا ايىپپۇل سالىندى. 3،8 توننادان استام ءقاۋىپتى ءونىم ساتىلىمنان الىندى»، - دەلىنگەن كوميتەت مالىمەتىندە.