قازاقستاندا زاڭدى تۇلعالاردى تىركەۋ قىزمەتى تولىعىمەن اۆتوماتتاندىرىلعان

زاڭدى تۇلعالاردى تىركەۋ، شاعىن جانە ورتا كاسىپكەرلىك سۋبەكتىلەرىنىڭ فيليالدارى مەن وكىلدىكتەرىن ەسەپتىك تىركەۋ قىزمەتتەرى اۆتوماتتاندىرىلدى.

ول ءۇشىن ەلەكتروندىق ۇكىمەتتىڭ ۆەب-پورتالىنا ەلەكتروندىق حابارلاما بەرسە جەتكىلىكتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.

Egov.kz پورتالى ارقىلى 30 مينۋت ىشىندە بيزنەستى تىركەۋگە بولادى. بۇل ءراسىمنىڭ قاراپايىمداتىلعانى سونشالىق، ءتىپتى ج ش س اشۋ ءۇشىن، مىسالى، ءىسىن جاڭا باستاعان كاسىپكەرگە جارعى قاجەت ەمەس، ول تىركەۋ جارنالارىن تولەۋدەن بوساتىلادى جانە سالىق كوميتەتىنە بارماۋىنا بولادى. حابارلاما بەرۋ ءۇشىن تەك كومپيۋتەر مەن ەلەكتروندىق سيفرلىق قولتاڭبا قاجەت.

شاعىن كاسىپكەرلىك سۋبەكتىسىنە جاتاتىن زاڭدى تۇلعانى مەملەكەتتىك تىركەۋ ءۇشىن قۇرىلتايشى سونداي-اق ەلەكتروندىق ۇكىمەتتىڭ ۆەب-پورتالى ارقىلى تىركەۋشى ورگانعا كاسىپكەرلىك قىزمەتتىڭ باستالعانى تۋرالى ەلەكتروندىق حابارلاما بەرۋى قاجەت. سونىمەن قاتار، تىركەۋ كەزىندە ءوتىنىش بەرۋشىگە زاڭدى تۇلعالاردىڭ جارعىلارىن ۇسىنۋدىڭ قاجەتى جوق.

ءتيىستى جولداردى تولتىرعاننان كەيىن، جۇيە بارلىق دەرەكتەردىڭ دۇرىستىعىن تەكسەرۋدى سۇرايدى. ەنگىزىلگەن دەرەكتەردىڭ دۇرىستىعى راستالعاننان كەيىن جانە جۇيە دۇرىس جۇمىس ىستەپ تۇرسا، تىركەۋ تۋرالى انىقتاما 30 مينۋت ىشىندە بەرىلەدى.