ەل اۋماعىندا WhatsApp مەسسەندجەرىنىڭ جۇمىسىن توقتاتاتىنى تۋرالى اقپارات مەكتەپتەرگە تارالدى.
قازاقستاندىقتاردى الاڭداتقان بۇل اقپارات شىندىققا جاناسپايدى، دەپ حابارلايدى Almaty-akshamy.kz
ق ر بعم ءبىلىم بەرۋ مەكەمەلەرىنە نەمەسە باسقا جەرلەرگە مۇنداي حابارلامالار جىبەرمەگەن.
«مينيسترلىك ءبىلىم بەرۋ ۇيىمدارىنا مۇنداي اقپارات جىبەرگەن جوق. ءبىلىم جانە عىلىم سالاسىنداعى بارلىق وزەكتى جانە سەنىمدى اقپارات پەن جاڭالىقتار الەۋمەتتىك جەلىلەردە جانە ق ر بعم سايتىندا جاريالانادى»، – دەپ حابارلادى مينيسترلىكتىڭ باسپا ءسوز قىزمەتى.
مەسسەندجەر قازاقستان اۋماعىندا جۇمىسىن توقتاتادى دەۋگە ەشقانداي نەگىز جوق. مەملەكەتتىك ورگانداردىڭ رەسمي سايتتارىندا دا، باق-تا دا ءتيىس اقپارات شىققان جوق. سونداي-اق، قازاقستانعا قاتىستى ەشقانداي سانكسيالار ەنگىزىلمەگەنىن اتاپ وتكەن ءجون.