يممۋنولوگ، ۆيرۋسولوگتاردىڭ كوزقاراسى بويىنشا، ءۇشىنشى كومپونەنتتى سالدىرۋ قاجەت بولۋى مۇمكىن.
مەديسينا عىلىمدارىنىڭ كانديداتى ساۋلە اتىعايەۆانىڭ ايتۋىنشا، قازاقستاندا كوروناۆيرۋس ۆاكسيناسىنىڭ ءۇشىنشى كومپونەنتىن سالدىرۋ ماسەلەسى قاراستىرىلىپ جاتىر. بۇل تۋرالى جوعارى ساناتتى ينفەكسيونيست دارىگەر وكق-دا وتكەن بريفينگتە ايتتى، دەپ حابارلايدى almaty-akshamy.kz
«يممۋنولوگ، ۆيرۋسولوگتاردىڭ كوزقاراسى بويىنشا، ءۇشىنشى كومپونەنتتى سالدىرۋ قاجەت بولۋى مۇمكىن. ەكپە الۋ كەزەڭى جاس كاتەگورياسىنا قاراي ءارتۇرلى بولۋى كەرەك. ريەۆاكسيناسيانىڭ قاجەتتىگى اعزاداعى انتيدەنە سانىنا قاراي انىقتالادى. انتيدەنە سانى بىردەن تومەن ادامدارعا ريەۆاكسيناسيا كەرەك بولۋى مۇمكىن. بۇل ماسەلە تالقىلانىپ جاتىر. الداعى تاڭدا ونىڭ جاۋابىن الامىز»، — دەدى ساۋلە اتىعايەۆا.
ەسكە سالايىق، يزرايلدە 1 تامىزدان باستاپ ۆاكسينانىڭ ءۇشىنشى دوزاسىن سالدىرۋدى باستادى. ال قازاقستاندا ۆاكسينانىڭ II كومپونەنتىن العاندار سانى 4 ملن-نان استى.