عالىم الماز شارمان «حابار 24» ارناسىنداعى بريفينگتە مۇنداي نانوكاپسۋلا ۆاكسينالاۋ پروسەسىن ايتارلىقتاي جىلدامداتاتىنىن ايتتى، دەپ حابارلايدى almaty-akshamy.kz
جۋىردا يزرايل الەمدە ءبىرىنشى بولىپ حالقىنا Covid-19 ىندەتىنە قارسى پەرورالدى ۆاكسينا سالاتىن العاشقى مەملەكەت بولماق. بۇل تۋرالى Oramed Pharmaceuticals باس ديرەكتورى ناداۆ كيدرون Jerusalem Post گازەتىنە بەرگەن سۇحباتىندا مالىمدەدى. وسىعان ۇقساس نانوكاپسۋلانى قازاقستاندىق عالىم قايسار تابىنوۆتىڭ جاساپ جاتقانى بەلگىلى بولدى. بۇل تۋرالى پروفيلاكتيكالىق مەديسينا اكادەمياسىنىڭ پرەزيدەنتى، امەريكاندىق دەنساۋلىق ساقتاۋ قاۋىمداستىعىنىڭ مۇشەسى الماز شارمان ايتتى.
«بۇل (نانوكاپسۋلا ازىرلەۋ – رەد. تۇسىندىرمەسى) – وتە قىزىق باعىت. ءقازىر وسىمەن جۇمىس ىستەپ جاتىر. وتكەن عاسىردىڭ 50-جىلدارى دا ۆاكسينانى اعزاعا ينە ارقىلى ەنگىزگەن. كەيىن ىشىندە پروفەسسور چۋماكوۆ بار بىرنەشە عالىم كاپسۋلا تۇرىندە ۆاكسينا ويلاپ تاپتى. سول سياقتى ءقازىر بىرنەشە جاڭا ۇجىم وسىمەن جۇمىس ىستەپ جاتىر. سونداي-اق، مۇرىنعا ارنالعان تامشى تۇرىندەگى ۆاكسينا جاسالماق. مۇندا ۇلكەن لوگيكا بار. ويتكەنى، كوروناۆيرۋس ءبىرىنشى كەزەكتە مۇرىنعا جينالادى»، – دەدى الماز شارمان.
ءارى قاراي ول بۇل باعىتتاعى جۇمىستارعا وتاندىق عالىمداردىڭ دا ۇلەس قوسىپ جاتقانىن ايتتى.
«نانوكاپسۋلامەن ءقازىر اگرارلىق ۋنيۆەرسيتەتتە قازاقستاندىق عالىم قايسار تابىنوۆ جۇمىس ىستەپ جاتىر. وتە قىزىق باعىت، ازىرگە تولىق جۇزەگە اسپادى. ءبىراق، يزرايل، اۆستراليا، اقش عالىمدارى ناقتى وسى باعىتتى قولعا الدى. ول جاسالعان بويدا ەكپە ەگۋ پروسەسى ايتارلىقتاي جىلدام بولماق. ۆاكسينا بۇرىنعىسىنا قاراعاندا قولجەتىمدى بولادى. بۇدان وزگە ينە، ەكپە سالار كەزدە تازالىقتى قامتاماسىز ەتۋ سەكىلدى تالاپتاردان ارىلامىز. ادام جاي عانا كاپسۋلانى جۇتادى. لوگيستيكا جاعىنان ىڭعايلى جانە بۇل قوسىمشا قورعانىش قاباتىنىڭ پايدا بولۋىنا تىكەلەي اسەر ەتەدى»، – دەدى مامان.