قازاقستاندا «ۇستازىڭدى قۇتتىقتا!» بايقاۋى باستالدى

جەڭىسكە جەتكەندەر ەستەلىك سىيلىقتار الادى.

مۇعالىمدەردىڭ كاسىبي مەرەكەسى قارساڭىندا ق ر وقۋ-اعارتۋ مينيسترلىگى «ۇستازىڭدى قۇتتىقتا!» بايقاۋىن باستادى، دەپ حابارلايدى Almaty-akshamy.kz.

«بايقاۋعا ءقازىر مەكتەپتە وقىپ جۇرگەندەر دە، سونداي-اق ۇستازدارىنا العىسى مەن تىلەگىن بىلدىرگىسى كەلەتىن مەكتەپ ءبىتىرىپ كەتكەندەر دە قاتىسا الادى. ول ءۇشىن Instagram، Facebook، TikTok الەۋمەتتىك جەلىلەرىندە #ۇستازداركۇنى #ۇستازىڭدىقۇتتىقتا #دەنۋچيتەليا #پوزدراۆسۆوەگوۋچيتەليا  حەشتەگىمەن ءماتىن، فوتو نەمەسە بەينەقۇتتىقتاۋ جاريالاۋ قاجەت»، - دەلىنگەن وقۋ-اعارتۋ مينيسترلىگىنىڭ باسپا ءسوز قىزمەتىنىڭ حابارلاماسىندا.

اكسيا بيىلعى 2 قازانعا دەيىن جالعاسادى. بايقاۋ قورىتىندىسى 3 قازاندا شىعارىلادى. ەڭ قىزىقتى، كرەاتيۆتى قۇتتىقتاۋلاردىڭ اۆتورلارى ق ر وقۋ-اعارتۋ مينيسترلىگىنەن ەستەلىك سىيلىقتار الادى.

«بارشا قازاقستاندىقتى چەللەندجگە بەلسەنە قاتىسۋعا، ءوز مۇعالىمدەرىن كاسىبي مەرەكەسىمەن قۇتتىقتاۋعا جانە ولاردىڭ ماڭىزدى جانە يگى ەڭبەگى ءۇشىن العىس بىلدىرۋگە شاقىرامىز!»، - دەلىنگەن مينيسترلىك حابارلاماسىندا.