قازاقستاندا ۇشۋ قاۋىپسىزدىگى بويىنشا ايماقتىق سەمينارى ءوتتى

قازاقستان رەسپۋبليكاسى كولىك مينيسترلىگىنىڭ ازاماتتىق اۆياسيا كوميتەتى مەن قازاقستاننىڭ اۆياسيالىق اكىمشىلىگى (ءقاا) حالىقارالىق اۋە كولىگى قاۋىمداستىعىنىڭ (ياتا) ۇشۋ قاۋىپسىزدىگى مەن تۇراقتى دامۋ ماسەلەلەرىنە ارنالعان ايماقتىق سەمينارى وتكىزدى.

سەميناردىڭ اشىلۋىندا ازاماتتىق اۆياسيا كوميتەتىنىڭ ءتوراعاسى سالتانات تومپييەۆا مەن ءقاا باس ديرەكتورى كاتالين رادۋ قۇتتىقتاۋ ءسوز سويلەدى. ولار ءوز سوزىندە ياتا-نىڭ ەۋروپا بويىنشا وڭىرلىك ۆيسە-پرەزيدەنتى رافاەل شۆارسمان مىرزاعا ايماقتىق شارانى قازاقستاندا ۇيىمداستىرعانى ءۇشىن العىستارىن ءبىلدىردى. ۆيسە-پرەزيدەنت باستاعان كوپتەگەن ياتا ساراپشىلارىنىڭ قاتىسۋىمەن بۇل سەمينار قازاقستاندا العاش رەت ءوتتى، دەپ حابارلايدى aqshamnews.kz

سەمينارعا اۆياسيالىق بيلىك ورگاندارىنىڭ 70-تەن استام ماماندارى، سونداي-اق 7 ەلدىڭ – ءازىربايجان، گرۋزيا، قىرعىزستان، مولدوۆا، موڭعوليا، وزبەكستان جانە قازاقستاننان اۋەكومپانيالاردىڭ، اۋەجايلاردىڭ، اەروناۆيگاسيالىق قىزمەت پروۆايدەرلەرىنىڭ جانە جانارماي جەتكىزۋشىلەرىنىڭ اۆياسيالىق قاۋىپسىزدىك جانە تۇراقتىلىق جونىندەگى ساراپشىلارى قاتىستى (Aeroflot، Azeraeronavigation، Azerbaijan Airlines، Air Astana، Berkut، Centrumair، FlyArystan، Qazaq Air، SCAT، Prime Aviation، حالىقارالىق اۋەجاي الماتى، حالىقارالىق اۋەجاي اقتاۋ، حالىقارالىق اۋەجاي نۇرسۇلتان نازاربايەۆ، «قازمۇنايگاز-اەرو»، «قازمۇنايگاز» ۇلتتىق كومپانياسى، Uzbekistan Airways، Qanot Sharq، TezJet، United Airports of Georgia).

سەمينار ۇشۋ قاۋىپسىزدىك، جەردە قىزمەت كورسەتۋ جانە اۆياسيا سالاسىنداعى تۇراقتىلىق سالالارىنداعى سوڭعى ترەندتەر مەن وزىق تاجىريبەلەردى تالقىلاۋعا بىرەگەي مۇمكىندىك بەردى. ۇشۋ قاۋىپسىزدىگى ماسەلەلەرى بويىنشا سەميناردى جانات ابدۋگاليموۆ جانە تۇراقتى دامۋ ماسەلەلەرى بويىنشا جاننا شەك جۇرگىزدى. سەمينار باعدارلاماسىنا ياتا جەتەكشى ساراپشىلارى (دجانكارلو بۋونو – ەۋروپاداعى ۇشۋ قاۋىپسىزدىگى جانە ۇشۋدى ۇيىمداستىرۋ ديرەكتورى، سەرگەي بالونۋسكوۆس – ايماقتىق سىرتقى بايلانىستار جانە تۇراقتى دامۋ ءبولىمىنىڭ اعا مەنەدجەرى، مالۆين تان – كوممەرسيالىق وتىن ءبولىمىنىڭ باسشىسى، لەا حۋاننين – مەنەدجەر كليماتتىڭ وزگەرۋى ساياساتى)، ازاماتتىق اۆياسيا سالاسىنىڭ وتاندىق ساراپشىلارى مەن ءقاا وكىلدەرى، ينتەراكتيۆتى تالقىلاۋلار جانە اۆياسيا سالاسىنداعى ارىپتەستەرمەن بايلانىس ورناتۋ مۇمكىندىكتەرى بولدى.