ۇكىمەت ءبىرقاتار جوبالاردى پىسىقتاپ جاتىر.
قازاقستان ۇكىمەتى الداعى ءۇش جىلدا جاڭارتىلعان 48 ەنەرگيا نىسانىن سالۋدى جوسپارلاپ وتىر. بۇل تۋرالى 18 قازاندا ەنەرگەتيكا ءمينيسترى بولات اقشولاقوۆ ايتتتى ، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەنەرگەتيكا مينيسترلىگى ەلەكتر ەنەرگياسىنا دەگەن ورتا مەرزىمدى قاجەتتىلىكتى جابۋ ءۇشىن گەنەراسيا سەكتورىنداعى ءبىرقاتار جوبالاردى پىسىقتاپ جاتىر.
«بۇگىنگى تاڭدا قازاقستان رەسپۋبليكاسىندا جيىنتىق قۋاتى شامامەن 2300 مۆت بولاتىن 140-تان استام جەك وبەكتىسى جۇمىس ىستەيدى. ەلەكتر ەنەرگياسىن جالپى وندىرۋدەگى جاڭارتىلاتىن ەنەرگيا كوزدەرىنىڭ ۇلەسى 3،7% بولادى. جەك سەكتورىنا تارتىلعان ينۆەستيسيانىڭ جالپى كولەمى 1 ترلن تەڭگەدەن استام. بيىل جەك-تەن الىنعان ەلەكتر ەنەرگياسىنىڭ كولەمى 4،5 ملرد كۆت/ساع نەمەسە ءوندىرىستىڭ جالپى كولەمىنىڭ 4% كولەمىندە بولجانادى. بۇل رەتتە قارجى-ەسەپ ايىرىسۋ ورتالىعى قول قويعان شارتتار شەڭبەرىندە 3 جىل ىشىندە جيىنتىق قۋاتى 850 مۆت-تان اساتىن 48 جەك وبەكتىسىن قوسىمشا ەنگىزۋ جوسپارلانۋدا»، - دەدى ەنەرگەتيكا ءمينيسترى.