قازاقستاندا ءۇي جانۋارلارىن مىندەتتى ەسەپكە الۋ ەنگىزىلەدى. بۇل تۋرالى ق ر ەكولوگيا، گەولوگيا جانە تابيعي رەسۋرستار ۆيسە-مينيسترى ءاليا شالابەكوۆا ايتتى، دەپ حابارلايدى almaty-akshamy.kz
«زاڭ جوباسى (جانۋارلارعا جاۋاپكەرشىلىكپەن قاراۋ تۋرالى» زاڭ جوباسى) ءۇي جانۋارلارى يەلەرىنىڭ قاراجاتى ەسەبىنەن اقىلى نەگىزدە ەسەپكە الۋ قۇرالىن قولدانۋ ارقىلى ءۇي جانۋارلارىن مىندەتتى ەسەپكە الۋدى ەنگىزەدى. ونى جوسپارلى ىسكە اسىرۋ جانە ءۇي جانۋارلارىن ەسەپكە الۋدى جۇزەگە اسىراتىن ۇيىمدارعا، سونداي-اق ولاردىڭ يەلەرىنە ءبىرجولعى جاپپاي جۇكتەمەنى بولدىرماۋ ماقساتىندا زاڭ جوباسىندا ءۇي جانۋارلارىن مىندەتتى ەسەپكە الۋدى كەيىنگە قالدىرۋ نورماسى كوزدەلگەن. ءۇي جانۋارلارىن مىندەتتى ەسەپكە الۋ 2023 جىلعى 1 قىركۇيەكتەن باستاپ ەنگىزىلەدى»، - دەدى ۆيسە-مينيستر ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، جانۋارلاردى ۇستاۋ سالاسىندا «قوعامدىق ينسپەكتورلار» ۇعىمىن ەنگىزۋ دە ۇسىنىلادى. ال جانۋارلارعا قاراۋ سالاسىندا قوعامدىق باقىلاۋ جۇرگىزۋدىڭ نەعۇرلىم ەگجەي-تەگجەيلى ءتارتىبىن ۋاكىلەتتى ورگان ايقىندايدى.
«جەرگىلىكتى اتقارۋشى ورگاندارعا جانۋارلارعا ارنالعان پاناجايلاردىڭ قىزمەتىن اقپاراتتىق قامتاماسىز ەتۋگە، جانۋارلاردى يەلەرىنە بەرۋگە، جوعالعان جانۋارلاردىڭ يەلەرىن ىزدەستىرۋگە جانە ءۇي جانۋارلارىن بيوستەريليزاسيالاۋ قاجەتتىلىگى تۋرالى حاباردار ەتۋگە باعىتتالعان الەۋمەتتىك جارنامانى ۇيىمداستىرۋ قۇزىرەتى بەرىلەدى»، - دەدى ول.