بۇل تۋرالى «Kazakh Tourism» ۇك» اق باسقارما ءتوراعاسى تالعات امانبايەۆ ايتتى.
قازاقستاندا تۋريستىك سالانى مەملەكەتتىك قولداۋ تەتىكتەرى جەتىلدىرىلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ق ر مادەنيەت جانە سپورت مينيسترلىگىنىڭ ءتۋريزمدى دامىتۋ ماسەلەلەرى جونىندەگى كەڭەيتىلگەن القا وتىرىسىندا ت. امانبايەۆ 2021 جىلى 30 ساۋىردە "تۋريستىك قىزمەت تۋرالى" جاڭا زاڭ قابىلدانعانىن، وندا ۇلتتىق كومپانيانىڭ قۇزىرەتى بەكىتىلگەنىن جانە تۋريزم ءۇشىن مەملەكەتتىك قولداۋدىڭ جاڭا ىنتالاندىرۋ شارالارى قاراستىرىلعانىن اتاپ ءوتتى. ماسەلەن، بالالاردىڭ ۇشاقپەن تەگىن ۇشۋىن سۋبسيديالايتىن «Kids Go Free» باعدارلاماسىنا Kazakh Tourism اكىمشىلىك ەتەدى.
سونىمەن قاتار، Kazakh Tourism كومپانياسىنىڭ جوبالىق كەڭسەسى ەرەجەلەرىن جازۋعا جانە جوبالارىن بەكىتۋگە قاتىسقان. بۇدان باسقا، كومپانيا مينيسترلىكتىڭ ءفرونت-وفيسى رەتىندە قوعامدا وسى شارالاردى ءتۇسىندىرۋ بويىنشا اقپاراتتىق جۇمىس جۇرگىزەدى.
«بيىل 1 قاڭتاردان باستاپ تۋريستىك سالانىڭ بيزنەس سۋبەكتىلەرى ءۇشىن مەملەكەتتىك قولداۋدىڭ بارلىق شارالارى ىسكە قوسىلدى. ءبىز ءقازىردىڭ وزىندە قولداۋ شارالارىنىڭ تەتىكتەرىن جەتىلدىرۋ بويىنشا وڭىرلەر مەن نارىق اراسىندا كەرى بايلانىس ورناتتىق»، - دەدى تالعات امانبايەۆ.
ايتا كەتەيىك، 2021 جىلعى 30 ساۋىردە پرەزيدەنت "تۋريستىك قىزمەت تۋرالى" زاڭعا تۇزەتۋلەرگە قول قويدى، وندا 2022 جىلعى 1 قاڭتاردان باستاپ مەملەكەتتىك قولداۋدىڭ جاڭا 7 شاراسى كوزدەلگەن. ءقازىر Kids go free – بالالاردىڭ تۋرپاكەت اياسىندا تەگىن ۇشۋى باعدارلاماسىن باستاۋ تۋرالى اقپارات ءجۇرىپ جاتىر.
ودان باسقا، سانيتارلىق-گيگيەنالىق توراپتاردى كۇتىپ-ۇستاۋدى سۋبسيديالاۋ؛ اۆتوبۋستاردى ساتىپ الۋ كەزىندەگى شىعىنداردى وتەۋ باستاماسى بار. ياعني، تۋروپەراتور، تۋراگەنت نەمەسە گيد اۆتوبۋس ساتىپ الا الادى جانە ينۆەستيسيالىق شىعىنداردىڭ 25%-ىن مەملەكەت وتەيدى. تۋريستىك قىزمەت نىساندارىن – قوناق ۇيلەردى، حوستەلدەردى، كەمپينگتەردى جانە باسقا دا نىسانداردى سالۋ كەزىندە مەملەكەت ينۆەستيسيالىق شىعىنداردىڭ 10%-ىن وتەيدى. جول بويىنداعى سەرۆيس وبەكتىلەرىن سالۋ كەزىندە ينۆەستيسيالىق شىعىنداردى سۋبسيديالاۋ باعدارلاماسى ىسكە قوسىلدى.