بۇگىن استانادا تۇرىكمەنستاننىڭ قازاقستانداعى مادەنيەت كۇندەرى باستالدى.
تۇرىكمەن اقىنى ماقتىمق ۇلى پىراعىنىڭ «ات يسلارين» شىعارماسىنا نەگىزدەلگەن رەجيسسەر ارسلان ەۋەبەردييەۆتىڭ «يستاريان» كوركەم ءفيلمىنىڭ كورسەتىلىمى بولدى، دەپ حابارلايدى Almaty-akshamy.kz El.kz اقپارات اگەنتتىگى.
سالتاناتتى اشىلۋعا ەكى ەلدىڭ مەملەكەتتىك ورگاندارىنىڭ وكىلدەرى، شىعارماشىلىق جانە عىلىم سالاسىنداعى زيالىلار، سونداي-اق قوعام قايراتكەرلەرى قاتىستى.
مادەنيەت جانە اقپارات ۆيسە-مينيسترى ەربول ءالىقۇلوۆ ءوز سوزىندە ماقتىمق ۇلى پىراعىنىڭ ايشىقتى ورىنىن اتاپ ءوتىپ، ونىڭ رۋحاني مۇراسى كۇللى تۇركى الەمىندەگى دوستىق پەن بەيبىتشىلىكتى ناسيحات ەتەتىنىن اتاپ ءوتتى.
ەرتەڭ مادەنيەت كۇندەرى اياسىندا ق ر ۇلتتىق اكادەميالىق كىتاپحاناسىندا تۇرىكمەنستان پرەزيدەنتى سەردار بەردىمۇحامەدوۆتىڭ «ماقتىمق ۇلى» كىتابىنىڭ تۇساۋكەسەرى وتەدى. سول كۇنى قاليبەك قۋانىشبايەۆ اتىنداعى قازاق ۇلتتىق مۋزىكالىق دراما تەاترىندا تۇرىكمەنستاننىڭ حالىقتىق قولدانبالى ونەرى مەن مۇراجاي قۇندىلىقتارىنىڭ كورمەسى جانە گالا-كونسەرت وتەدى.
سارسەنبىدە رەجيسسەر حەكىم الاۆوۆتىڭ «قىزىل الما» كوركەم ءفيلمىنىڭ كورسەتىلىمى، «اقىلگوي» مونوسپەكتاكلىنىڭ قويىلىمى جانە تۇرىكمەنستان ۇلتتىق كيىمدەرىنىڭ كورسەتىلىمى وتەدى.
27 ماۋسىمدا ەكى ەلدىڭ ونەرپازدارى گالا-كونسەرتتە ونەر كورسەتىپ، مادەنيەت كۇندەرىن اياقتايدى.
ايتا كەتەيىك، قازاقستانداعى تۇرىكمەنستان مادەني كۇندەرى – تۇرىكمەنستاننىڭ باي مادەني مۇراسىمەن تانىسۋدىڭ بىرەگەي مۇمكىندىگى.