قازاقستاندا باسپانا باعاسى قىمباتتادى.
بۇعان ەلىمىزدىڭ ستاتيستيكا بيۋروسىنىڭ مالىمەتتەرى دالەل. ماسەلەن، جاڭا تۇرعىن ءۇي كەشەندەرىندە ءبىر اي ىشىندە ءوسىم 1%-تەن استى. وسىلايشا جاڭا ۇيلەردىڭ قۇنى شارشى مەترىنە 423 705 تەڭگە شاماسىندا، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ستاتيستيكاعا، اسىرەسە، وسكەمەن، سەمەي، ەلوردا، شىمكەنت جانە الماتى قالالارىنداعى باعانىڭ ءوسۋى اسەر ەتتى. سونىمەن قاتار «ەكىنشى دەڭگەيلى ۇيلەر» ناۋرىز ايىمەن سالىستىرعاندا 0،4%-كە عانا قىمباتتادى. مۇندا وسكەمەن، قىزىلوردا جانە قوستاناي كوش باستاپ تۇر. ءبىر جىلدا، 2021 جىلعى ماۋسىم مەن 2022 جىلعى ماۋسىم ارالىعىندا، قولدانىستاعى پاتەرلەردىڭ باعاسى 26،8%-كە، جاڭا تۇرعىن ۇيلەردە 19،5%-كە ءوستى.